Kamunisty prapanujuć pierajmienavać vulicu Kalinoŭskaha ŭ Minsku. Siarod varyjantaŭ — nazvać u honar Stalina
Z nahody 100-hodździa z dnia ŭtvareńnia SSSR, jakoje adbudziecca 30 śniežnia 2022 hoda, Kamunistyčnaja partyja Biełarusi źviarnułasia ŭ Minharvykankam z prapanovaj uklučyć u płan haradskich mierapryjemstvaŭ šerah dapaŭnieńniaŭ i źviarnuć uvahu na niekatoryja pytańni.
Kopijaj lista z prapanovami biełaruskich kamunistaŭ padzialilisia z Reform.by čytačy.
«BSSR, źjaŭlajučysia adnoj z krain-zasnavalnic SSSR, uniesła vielizarny ŭkład u Vialikuju Pieramohu nad fašyzmam. Dasiahnieńni BSSR savieckaj epochi ŭ pramysłovaści, sielskaj haspadarcy, navucy, raźvićci sacyjalnaj i kulturnaj śfiery, prymnožanyja ŭ apošnija dziesiacihodździ, i da ciapierašniaha času praciahvajuć zastavacca padmurkam suvierennaj biełaruskaj dziaržavy», — adznačajecca ŭ liście.
Na pohlad Kampartyi Biełarusi, Hod histaryčnaj pamiaci nieabchodna dapoŭnić šeraham važnych mierapryjemstvaŭ.
U pryvatnaści, pravieści takija knižnyja i mastackija vystavy, jak «Dziŭnyja kalekcyi. Što kalekcyjanavali ŭ SSSR»; «Ja inšaj takoj krainy nie viedaju» — z demanstracyjaj lepšych knih pra savieckich ludziej, marach i ździajśnieńniach; «Žyvapis epochi SSSR».
Akramia hetych prapanoŭ, arhanizacyja paprasiła źviarnuć uvahu na nastupnyja pytańni.
«U suviazi sa šmatlikimi zvarotami patryjatyčnych hramadzian», Kampartyja prapanuje pierajmienavać vulicu Kalinoŭskaha i prysvoić joj imia «adnaho z samych hodnych hramadzian, jakija ŭnieśli značny ŭkład u stanaŭleńnie i raźvićcio biełaruskaj dziaržavy». Siarod «samych hodnych hramadzian» — A. Bacian, A. Mazanik, M. Osipava, I. Filidovič i, viadoma ž, Iosif Stalin.
Zakančvajecca list prapanovaj «razhledzieć pytańnie ŭdziełu kamunistaŭ stalicy ŭ vybarčaj kampanii 2024 hoda na bolš dziejnaj asnovie».
-
Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»
-
Troch čałaviek, zatrymanych pa spravie ab «padrychtoŭcy teraktaŭ», pačnuć sudzić u kastryčniku
-
«Za kožnaj pryhožaj karcinkaj staić vialikaja praca». Biełaruska raskazała, jak źniałasia ŭ modnym časopisie Vogue
Kamientary