U stalicy prachodzić kanfierencyja «Prablemy intehracyi i inkarparacyi ŭ raźvićci Centralnaj i Uschodniaj Jeŭropy ŭ pieryjad rańniaha Novaha času».
U Minsku, u Instytucie pravaznaŭstva (Karala, 3) prachodzić kanfierencyja «Prablemy intehracyi i inkarparacyi ŭ raźvićci Centralnaj i Uschodniaj Jeŭropy ŭ pieryjad rańniaha Novaha času».
Kanfierencyja arhanizavana pry ŭdziele Biełaruskaha instytuta pravaznaŭstva i Instytuta Polskaha ŭ Minsku.
U joj biaruć udzieł daśledčyki ź siami krain — Biełarusi, Polščy, Ukrainy, Rasii, Litvy, Hiermanii i Vialikabrytanii. Adkryvajučy kanfierencyju, staršynia savieta Instytuta pravaznaŭstva Ściapan Sokał adznačyŭ, što «dla nas kaštoŭna toje, što dośvied minułych hadoŭ my možam skarystać u vyvučeńni siońniašniaj situacyi. Terminy inkarparacyja i intehracyja i siońnia aktualnyja dla nas. Heta sučasnaja prablematyka».
Pavodle słovaŭ inšaha suarhanizatara — kiraŭnika Instytuta polskaha ŭ Minsku Piatra Kazakieviča — Biełaruś pastupova stanovicca adnym z centraŭ vyvučeńnia historyi Centralnaj Jeŭropy.
«Ja niekali skazaŭ, što Minsk pavinien stać centram daśledavańniaŭ VKŁ, Rečy Paspalitaj. Siońnia my bačym, što hetaja ideja nabližajecca da realizacyi», — adznačyŭ spadar Kazakievič.
Akramia viadomych daśledčykaŭ z krain, što znachodziacca na terytoryi byłoj Rečy Paspalitaj, a taksama Rasii, Vialikabrytanii i Hiermanii, u kanfierencyi voźmie ŭdzieł pasoł Respubliki Polšča ŭ Biełarusi — doktar Hienryk Litvin.
Pasoł adznačyŭ va ŭstupnym słovie, što «chacieŭ by ŭdzielničać u kanfierencyi bolš navukova, čym aficyjna. Chočacca viarnucca na niekalki dzion da zaniatku, jaki liču vielmi važnym u svaim žyćci». Doktar Hienryk Litvin vystupić z dakładam na temu «Kijeŭščyna, Vałyń i Bracłaŭščyna ŭ 1569 h.: pamiž inkarparacyjaj i unijaj».
Kanfierencyja «Prablemy intehracyi i inkarparacyi ŭ raźvićci Centralnaj i Uschodniaj Jeŭropy ŭ pieryjad rańniaha Novaha času» skončycca ŭ piatnicu 16 kastryčnika. Na subotu dla ŭdzielnikaŭ zapłanavana ekskursijnaja prahrama Kreva — Baruny — Halšany.
Źniavoleny raskazaŭ, jak siadzieŭ u kałonii ŭ Hłybokim u susiedniaj kamiery sa Statkievičam3
Kamientary