Dyryžor Aleh Lasun bolš nie pracuje ŭ Nacyjanalnym akademičnym Vialikim teatry opiery i baleta Biełarusi, paviedamlaje vydańnie Reform.by na padstavie śviedčańniaŭ svaich krynic z muzyčnych kołaŭ. Zvalnieńnie adnaho ź viadučych dyryžoraŭ teatra, jak śćviardžajecca, adbyłosia ŭ kancy śniežnia 2022 hoda.
Aleh Lasun pracavaŭ dyryžoram Vialikaha teatra Biełarusi z 1999-ha pa 2011 hod i z 2013 hoda pa ciapierašni čas. U teatry jon vystupaŭ u jakaści dyryžora-pastanoŭščyka mnohich znakavych dla jaho baletaŭ, mnohija śpiektakli jon staviŭ u jakaści muzyčnaha kiraŭnika ŭ teatrach Rasii i Francyi.
Z 2010 hoda Aleh Lasun źjaŭlajecca muzyčnym asistentam fiestyvalu Tirolerfestspille Erl (Aŭstryja). U repiertuary dyryžora — 23 opiery, u tym liku «Latučy hałandziec» Rycharda Vahniera, «Nabuka» Džuzepe Vierdzi, «Don Žuan» Volfhanha Amadeja Mocarta, i 13 baletaŭ, u tym liku «Straści» («Rahnieda») Andreja Mdzivani ŭ pastanoŭcy Valancina Jelizarjeva.
Reform.by nie vyklučaje, što zvalnieńnie Aleha Lesuna — daloka nie adzinaje ŭ Vialikim teatry opiery i baleta za apošni miesiac 2022 hoda. U kulturnych ustanovach da pačatku hoda adbylisia «čystki» ŭsich «niadobranadziejnych» supracoŭnikaŭ, jakija vykazali svaju pazicyju ŭ 2020-m.
Z 2020 hoda heta ŭžo čaćviortaje zvalnieńnie dyryžora z Opiernaha teatra. Raniej kalektyŭ byli vymušanyja pakinuć Viačasłaŭ Čarnucha-Volič, Andrej Hałanaŭ i Ivan Kaściachin. Usie zvalnieńni byli źviazanyja ź ich hramadzianskaj pazicyjaj.
Kamientary