Zaparožža nočču trapiła pad rakietny abstreł, u vyniku jakoha paškodžana vosiem šmatpaviarchovych žyłych damoŭ i budynak dziciačaha sada i paciarpieła adna žančyna.
Pra heta napisaŭ u svaim telehramie sakratar Zaparožskaj haradskoj rady Anatol Kurcieŭ.
«Pobač z damami ciapier zieŭraje vielizarnaja 40-mietrovaja varonka i stajać paškodžanyja aŭtamabili. Dziakavać Bohu, što rašysckaja rakieta nie trapiła ŭ sami šmatpaviarchoŭki i ŭsie ludzi žyvyja», — praciahvaje Kurcieŭ.
Raniej pra abstreł Zaparožža paviedamlaŭ adzin z pres-sakrataroŭ prezidenta Zialenskaha Kirył Cimašenka.
Pavodle jaho słoŭ, pry abstrele ŭžyvalisia rakiety S-300. S-300 pryznačanyja ŭ pieršuju čarhu dla paražeńnia pavietranych celaŭ, adnak u apošnija miesiacy nie raz ŭžyvalisia i pa naziemnych; u hetym vypadku ich dakładnaść nižejšaja.
Cimašenka paviedamlaŭ, što pad abstreł u Zaparožžy trapiŭ «abjekt infrastruktury» i što razburanyja dva składy.
Rasijski bok pakul ničoha nie paviedamlaŭ pra hety abstreł.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1818
Kamientary