Запарожжа ноччу трапіла пад ракетны абстрэл, у выніку якога пашкоджана восем шматпавярховых жылых дамоў і будынак дзіцячага сада і пацярпела адна жанчына.
Пра гэта напісаў у сваім тэлеграме сакратар Запарожскай гарадской рады Анатоль Курцеў.
«Побач з дамамі цяпер зеўрае велізарная 40-метровая варонка і стаяць пашкоджаныя аўтамабілі. Дзякаваць Богу, што рашысцкая ракета не трапіла ў самі шматпавярхоўкі і ўсе людзі жывыя», — працягвае Курцеў.
Раней пра абстрэл Запарожжа паведамляў адзін з прэс-сакратароў прэзідэнта Зяленскага Кірыл Цімашэнка.
Паводле яго слоў, пры абстрэле ўжываліся ракеты С-300. С-300 прызначаныя ў першую чаргу для паражэння паветраных цэляў, аднак у апошнія месяцы не раз ўжываліся і па наземных; у гэтым выпадку іх дакладнасць ніжэйшая.
Цімашэнка паведамляў, што пад абстрэл у Запарожжы трапіў «аб'ект інфраструктуры» і што разбураныя два склады.
Расійскі бок пакуль нічога не паведамляў пра гэты абстрэл.
Цяпер чытаюць
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў5
Каментары