Nad jaho stvareńniem pracavali piać hod, i jon maje ruchavik ad «Tajoty Karoła».
Afhanskija raspracoŭščyki prezientavali pratatyp svajho pieršaha supierkara Mada 9, paviedamlaje nacyjanalny telekanał ToloNews. Nad stvareńniem aŭtamabila piać hadoŭ pracavali 30 inžynieraŭ z Kabulskaha prafiesijna-techničnaha instytuta.
Pradstaŭnik talibaŭ Zabiuła Mudžachid raźmiaściŭ u tvitary fota aŭtamabila, zajaviŭ, što raspracoŭka jość honaram dla jaho krainy, i padziakavaŭ za arhanizacyju rabot pa joj Ministerstvu prafiesijnaj adukacyi.
د افغانستان له خوا لومړنی جوړ شوی سپورټي موټر
دغه موټر د تخنیکي او مسلکي تعلیماتو ادارې د یوې ۳۰ کسیزې کاري ډلې له خوا د کابو پنځو کلونو په لړ کې جوړ شوی دی.#طلوعنیوز pic.twitter.com/1VeThhxGwZ
Techničnyja charaktarystyki Mada 9 pakul nie vydajucca. Jak adznačaje Daily Mail, na dadzieny momant viadoma, što ŭ supierkary ŭstanoŭleny madyfikavany ruchavik Toyota Corolla, zdolny vytrymlivać pavieličeńnie chutkaści.
Taksama ŭ płanach vytvorcy abstalavać aŭtamabil elektryčnaj tranśmisijaj.
Kuzaŭ Mada 9 vyrableny ź lohkich kampazitnych materyjałaŭ, a siłavy ahrehat raźmieščany pad kiroŭcam. Akramia hetaha, jość vierahodnaść, što supierkar častkova atrymaje charaktarystyki ŭsiedarožnika. U vydańni heta źviazvajuć z tym, što aŭtamabil adaptavany pad ŭzhorysty łandšaft Afhanistana.
Vytvorca dadaŭ, što Mada 9 chutka pastaviać na testy dla acenki chadavych jakaściaŭ. Pieršapačatkova kampanija maje namier vypuścić aŭtamabil na ŭnutranym rynku, adnak nie admaŭlaje, što ŭ budučyni pačnie ekspartavać Mada 9 na mižnarodnyja placoŭki, a taksama prymać udzieł u suśvietnych vystavach i aŭtasałonach.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary
A zatiem načniom stroiť dorohi.
Odno nieponiatno, mašina novaja, a riezina beuška.
Da i zierkała idut v opcii?
Chotia začiem oni tam, obhoniať to poka i niekoho.