U Polščy vyratavali vadałazaŭ ź Ispanii. Ale paśla zadumalisia: a što jany rabili?
Vadałazy paciarpieli biedstva pobač z Naftaportam — važnym abjektam enierhietyčnaj infrastruktury, dziakujučy jakomu Polšča i Hiermanija zdolnyja abychodzicca biez rasijskaj nafty.
Polskija ŚMI pišuć, što u noč z suboty na niadzielu 15 studzienia u Hdańskim zalivie prajšła vyratavalnaja apieracyja. Marskaja pošukava-vyratavalnaja słužba Polščy dapamahła kamandzie z troch vadałazaŭ ź Ispanii, u jakoj złamałasia matornaja łodka.
Pa słovach vadałazaŭ, jany šukali burštyn, ale ŭ samoj łodcy nie było ni burštynu, ni śpiecyjalnaha invientaru dla jaho pošuku.
«Palicyja pieršapačatkova vyznačyła, što katar nie byŭ abstalavany zvyčajnymi elemientami biaśpieki: navihacyjnym aśviatleńniem, srodkami suviazi i vyratavalnymi srodkami. Akramia taho, aficery palicyi ŭstanavili, što ekipaž nie mieŭ prava kiravać kataram i nie atrymlivaŭ dazvołu na pahružeńnie», — paviedamlaje vydańnie Onet sa spasyłkaj na pradstaŭnika Hałoŭnaha ŭpraŭleńnia palicyi Hdańska.
Charakterna, što kamanda vadałazaŭ znachodziłasia zusim pobač z terminałam pa pieravałcy syroj nafty i naftapraduktaŭ, jaki naležyć polskaj kampanii Naftoport Ltd. Hety terminał vielmi važny dla rehijanalnaj enierhietyčnaj biaśpieki va ŭmovach zamiaščeńnia rasijskich enierharesursaŭ.
«Naftaport maje mahčymaść pierapracoŭvać 40 młn ton syroj nafty ŭ hod. Da vajny va Ukrainie jaho mahčymaści vykarystoŭvalisia prykładna na 50 pracentaŭ, ciapier pracent budzie našmat bolš vysoki. Polšča, vierahodna, budzie pastaŭlać syravinu ŭ krainy Bałtyi, Čechiju i Niamieččynu», — skazaŭ u mai 2022 hoda Jakub Rybacki z adździeła makraekanomiki Polskaha ekanamičnaha instytuta.
U vyniku ispancaŭ adpuścili, a dvoje ź ich adrazu chutka pakinuli Polšču. Pa źviestkach palicyi, ich asoby vyznačanyja, a sami jany ŭziatyja na kantrol.
Hety vypadak prymusiŭ polskija ŭłady ŭzmacnić biaśpieku kala svaich abjektaŭ enierhietyčnaj infrastruktury.
«My ŭzmacnili achovu našaj krytyčna važnaj i stratehičnaj infrastruktury, naprykład, ZPH-terminała ŭ horadzie Śvinavuście i hazapravoda «Bałtyjskaja truba». Vidavočna, što padčas vajny va Ukrainie, kali nievymierna ŭzrasła ryzyka dyviersij z boku Rasii, nieabchodna ŭzmacnić nahlad za krytyčnaj infrastrukturaj», — zajaviŭ premjer-ministr Polščy Matevuš Maraviecki.
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia66
Kamientary
Zria otpustili.
͇n͇o͇ ͇k͇a͇k͇ ͇p͇r͇a͇v͇i͇ł͇o͇ ͇ia͇ ͇n͇ie͇ ͇o͇š͇i͇b͇a͇iu͇s͇͇
Polša...
naša "ržavaja truba" była v osnovnom protianuta tolko v nieje? tak?
Potok-2 był sdiełan v obchod Polši? tak?
Polša protiestovała za ekołohiju i za diemokratiju, no
odnovriemienno so vsiem etim chotieła niezamietno podsosať ot Potoka-2
było takoje?
było