Hleb, Kutuzaŭ, Bułyha i Ramaščanka razmaŭlali ŭ zbornaj na biełaruskaj movie
Viadomy ŭ minułym biełaruski forvard Vital Bułyha, jaki ciapier znachodzicca biez pracy, daŭ vialikaje intervju YouTube-kanału «Jeŭtušenka Live». U im Vital raskazaŭ, jak u zbornaj razmaŭlali pa-biełarusku.
«Kali pryjazdžali ŭ zbornuju, to zaŭsiody sprabavali razmaŭlać na biełaruskaj movie. Vitala Kutuzaŭ u Italii, Sania Hleb u Anhlii ci Hiermanii, ja ŭ Rasii, Maks [Ramaščanka] ŭ Turcyi… Nu i pačynajem pa-biełarusku razmaŭlać. Niešta razumiejem, niešta nie razumiejem. Chtości siadzieŭ u internecie, čytaŭ, jak kvateru kupić. A my zaŭsiody siadzieli zzadu ŭ aŭtobusie. Uspaminali roznyja historyi, śmiajalisia. Ja ich viesialiŭ. Raspaviadaŭ, jak lacieŭ vosiem hadzin… Kutuz, Ramaščanka i Hleb hladzieli na mianie i kazali: «Durań, jak možna pa vosiem hadzin lotać…» — raskazaŭ Bułyha, jaki tady vystupaŭ za ŭładzivastocki «Pramień».
Kamientary