Navukoviec padličyŭ, kolki kaštuje «lepšaja za nataŭskuju» aptečka, kali jaje źbirać samastojna. Vyjšła tańniej, čym aficyjna nazvanaja suma
Cana kamplekta novaj indyvidualnaj armiejskaj aptečki, jakuju ahučvaŭ ministr achovy zdaroŭja Dźmitryj Pinievič, — 400 rubloŭ. Navukoviec Siarhiej Biesarab padličyŭ, što pry samastojnym zbory jana abychodzicca istotna tańniej.
U aptečcy 20 elemientaŭ. Dźmitryj Pinievič abiacaŭ, što paźniej jana patańnieje na 30 pracentaŭ i budzie ŭkamplektavanaja na 100 pracentaŭ biełaruskimi składnikami.
Jak śćviardžaje Siarhiej Biesarab, usie kampanienty indyvidualnaj aptečki jość u svabodnym prodažy i sabrać jaje zmoža luby achvotny.
«Dziakujučy svaim čytačam ja zmoh narešcie razabracca z tym, što ŭvachodzić u biełaruskuju, tuju samuju, jakaja nibyta «lepšaja za nataŭskuju», aptečku i pravieści nievialikaje rasśledavańnie», — adznačaje jon.
Dla nahladnaści navukoviec padaje svaje padliki na karcincy. Ceny jon pryvodzić u dalarach.
«Ukamplektavanaja» im aptečka abyšłasia ŭ 100 dalaraŭ — na siońnia kala 280 rubloŭ.
Najdaražejšymi elemientami aptečki akazalisia rasijski hiemastatyčny bint (35 dalaraŭ), biełaruski žhut-turnikiet (27 dalaraŭ) i kitajski padsumak (10,5 dalara).
Siarhiej Biesarab kaža, što padobnyja aptečki kamplektujuć sabie turysty, palaŭničyja, amatary ekstremalnych zaniatkaŭ.
«Cikavaść da tak zvanych aptečak IFAK u mianie daŭniaja, bo ja prafiesijny spartovy turyst. Takich aptečak vielmi šmat roznych, navat kitajcy pradajuć hatovyja. Kali adnolkavyja «zapčastki», to aryjentuješsia tolki na canu źmieściva», — tłumačyć jon, čamu ŭziaŭsia padličvać canu aptečki.
Pra novuju armiejskuju aptečku stała viadoma 6 studzienia. Tady padčas naviedvańnia Abuz-Lasnoŭskaha palihona Alaksandr Łukašenka pachvaliŭsia, što pieradaŭ rasijskim vajskoŭcam aptečki, «lepšyja za nataŭskija».
24 lutaha pieršuju tysiaču aptečak adpravili vajskoŭcam sił śpiecyjalnych apieracyj Biełarusi.
Ministerstva achovy zdaroŭja paviedamlaje, što jany pryznačanyja dla padraździaleńniaŭ kolkaściu 10—30 čałaviek. Ich možna vykarystoŭvać pa pryznačeńni, a taksama dla daŭkamplektavańnia aptečak pieršaj dapamohi.
«Naša Niva» — bastyjon biełaruščyny
PADTRYMAĆTraŭmatołah i kalinoviec raskłali pa paličkach «lepšuju za nataŭskuju» aptečku
Minabarony apublikavała FOTA indyvidualnaj aptečki, jakaja «lepšaja za nataŭskuju»
Łukašenka — rasijskim vajskoŭcam: Supolnuju spravu robim
«Maja pamyłka, što zapisvaju videa». Čym skončylisia rezanansnyja zvaroty da Łukašenki?8
Kamientary
1.baktiericidnyj płastyŕ s sinie - zielenoj vstavkoj;
I 2. płastyŕ dla stiahivanija ran.