Razmova idzie pra Bresckuju, Viciebskuju i Hrodzienskuju vobłaści, dzie na studzień zbor byŭ admienieny.
Novaje rašeńnie apublikavana na Nacyjanalnym pravavym internet-partale, i znoŭ aŭtamabilistam pryjdziecca płacić adnu bazavuju vieličyniu (siońnia — 42 rubli) za adzin transpartny srodak niezaležna ad kolkaści pasažyraŭ.
Jość niekalki katehoryj, jakija vyzvalajucca ad apłaty zboru, siarod ich:
- asoby, jakija jeduć na pachavańnie ŭ Biełarusi členaŭ siamji i blizkich svajakoŭ (pry najaŭnaści paćviardžalnych dakumientaŭ);
- zamiežniki, jakija vyjazdžajuć paśla znachodžańnia ŭ biełaruskich sanatoryjach (z dakumientami, što paćviardžajuć heta);
- zamiežnyja hramadzianie i asoby biez hramadzianstva, jakija majuć dakumienty ab stupieni ciažkaści parušeńnia fizičnaj aktyŭnaści 75—100%;
- asoby, departavanyja ź Biełarusi.
Dakumient, jaki paćviardžaje apłatu zboru, treba pakazvać u punktach propusku supracoŭniku pahraničnych orhanaŭ u papiarovym abo elektronnym vyhladzie.
Miascovy zbor za pierasiačeńnie transpartnymi srodkami dziaržaŭnaj miažy pry vyjeździe z krainy byŭ uviedzieny ŭ 2021 hodzie. Jon dziejničaje ŭ Bresckaj, Viciebskaj i Hrodzienskaj abłaściach i spahaniajecca pry vyjeździe ŭ krainy ES.
Ciapier čytajuć
Darmajedaŭ šukajuć navat siarod tych, chto źjechaŭ za miažu ŭ 1990-ch: telefanujuć svajakam u Biełarusi4
Kamientary