Pica — vydatnaja ideja dla viačery. Ale častaja prablema ź joj: kali pakłaści na jaje šmat vadkich składnikaŭ, ciesta razmoknie. Heta možna praduchilić.
Kali vy hatovyja da ekśpierymientaŭ, to možacie advažycca na štości bolš aryhinalnaje. Naprykład, picu ŭ kołcach abo picu kalcone. Ale kali vy chočacie prosta vykarystać toje, što majecie ŭ chaładzilniku, i pakłaści heta na kłasičnaje roŭnaje ciesta, to, mahčyma, vam spatrebiacca našy parady.
Voś što možna zrabić, kab sousy ci inšyja vadkija składniki nie raźmiakčyli picu i ciesta zastałosia chrustkim.
Vyšmarujcie ciesta alejem
Heta varta zrabić pierad dadavańniem sousaŭ. Paśla, navat kali vy pakładziacie na picu vadkija inhredyjenty, ciesta nie ŭbiare vadu padčas vypiakańnia. Jano usio roŭna zastaniecca chrustkim i apietytnym.
Papiarednie padpiačycie načynku dla picy
Možna papiarednie padsušyć načynku dla picy, pakłaŭšy jaje na blachu, zasłanuju pierhamientnaj papieraj. Dziakujučy hetamu z praduktaŭ vyparycca lišniaja vada, i, kali vy pakładziacie načynku na picu, ciesta nie budzie nasyčacca vilhaćciu padčas vypiečki.
Asušycie inhredyjenty
Taksama inhredyjenty možna asušyć pierad tym, jak pakłaści na picu. Heta asabliva aktualna dla šarykaŭ macareły: jany vilhotnyja sami pa sabie, da taho ž padčas zapiakańnia ź ich budzie vydzialacca vada. Tamu spačatku možna narezać macarełu, a potym vykłaści na papiarovyja ručniki i prycisnuć, kab ściakła vada, ale syr pry hetym nie pakamiačyŭsia. Tak treba paŭtaryć jašče dva razy.
Čytajcie jašče:
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary