U Litvie chočuć abaviazać publičnych asob dekłaravać suviazi ź Biełaruśsiu i Rasijaj
Staršynia parłamienckaha kamiteta pa nacyjanalnaj biaśpiecy i abaronie Litvy Łaŭrynas Kaščunas prapanuje abaviazać publičnych asob u Litvie dekłaravać suviazi ź Biełaruśsiu i Rasijaj. Takija papraŭki da zakona ab dekłaracyi publičnych i asabistych intaresaŭ byli zarehistravanyja 7 krasavika, paviedamlaje Delfi.
«Meta prajektu — zaachvočvańnie kampanij, akcyjaniery jakich dekłarujuć publičnyja i pryvatnyja intaresy, admovicca ad biznes-adnosin z Rasijaj i Biełaruśsiu», — skazana ŭ tłumačeńni da prapanavanych papravak.
Kali papraŭki buduć pryniatyja, to asoby, jakija dekłarujuć publičnyja i asabistyja intaresy (palityki, słužboŭcy, sudździ, raźviedčyki, vajskoŭcy, kiraŭniki dziaržaŭnych i municypalnych kampanij i ich namieśniki), akramia dekłaracyi infarmacyi ab najaŭnaści akcyj i pravie na ŭdzieł u hałasavańniach akcyjanieraŭ, upłyvie na dziejnaść jurydyčnych asob, pavinny buduć paznačać i infarmacyju ab dziejnaści hetych jurydyčnych asob u Rasii abo Biełarusi, kantaktach ź jurydyčnymi i fizičnymi asobami ŭ hetych krainach.
Kaščunas źviazaŭ svaju inicyjatyvu z rasijskaj ahresijaj suprać Ukrainy i ŭźniaŭ pytańnie pra toje, ci nie zjaŭlajucca ekanamičnyja suviazi z Rasijaj i Biełaruśsiu padtrymkaj ekanomik krain-ahresaraŭ.
Palityk admysłova padkreśliŭ, što «adkaznaść za vajnu Rasii va Ukrainie lažyć i na Biełarusi».
Litoŭski siejm pryniaŭ niekatoryja abmiežavańni suprać hramadzian Biełarusi i Rasii, ale jany nieistotnyja
Litva padaść na Biełaruś u Mižnarodny sud za pravakavańnie mihranckaha kryzisu
Litva paprasiła ŭ Jeŭrasajuza dadatkovyja srodki dla ŭmacavańnia miažy ź Biełaruśsiu
Daradca prezidenta Litvy pra abmiežavańni dla biełarusaŭ: Padčas vajny heta nieabchodna
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ1
Kamientary