Jak vyhladaŭ jehipiecki čałaviek amal 35 tysiač hadoŭ tamu? Navukoŭcy stvaryli ličbavy malunak
«Kali b čałaviek taho času moh chadzić pa vulicy siońnia, ludzi nie ŭbačyli b u im nijakaha adroźnieńnia ad siabie i inšych».
Brazilskija ekśpierty stvaryli ličbavuju vyjavu čałavieka, jaki žyŭ u Jehipcie 35 000 hadoŭ tamu. U asnovu malunka lahli reštki škileta staražytnaha čałavieka, jakija byli znojdzienyja ŭ akamianiełaści (uzrost jakoj 35 tysiač hod) u dalinie Niła na terytoryi Jehipta ŭ 1980 hodzie. Pra heta napisała ahienctva CNN.
Archieołah Maasir Elijas Santas i 3D-dyzajnier Cyceron Marajes vykarystoŭvali mietad fotahramietryi na reštkach škileta hetaha čałavieka, kab potym stvaryć jaho ličbavy malunak i pabačyć, jak vyhladali staražytnyja ludzi.
«Pieršapačatkova hety škilet naležaŭ mužčynu afrykanskaha pachodžańnia. Pa papiaredniaj infarmacyi, jamu było ad 17 da 29 hadoŭ na momant śmierci. Jaho rost składaŭ prykładna 1 mietr 50 santymietraŭ», — piša CNN sa spasyłkaj na brazilskich ekśpiertaŭ.
Santas i Marajes spadziajucca, što ich praca stanie padmurkam dla daśledavańniaŭ inšych archieołahaŭ pa evalucyi čałavieka. Jany płanujuć pakazać rekanstrukcyju staražytnaha čałavieka na navukovych vystavach u budučyni.
«Toj fakt, što hetamu čałavieku bolš za 30 000 hadoŭ, robić jaho važnym dla razumieńnia evalucyi čałavieka. Kali b čałaviek taho času moh chadzić pa vulicy siońnia, ludzi nie ŭbačyli b u im nijakaha adroźnieńnia ad siabie i inšych», — padahulnili brazilskija ekśpierty.
Raniej mižnarodnaja daśledčaja hrupa vyśvietliła, chto žyŭ u Jeŭropie padčas apošniaha lednikovaha pieryjadu 140 tysiač hadoŭ tamu.
«Maja jeŭrapiejskaja siamja». Zachaplalnaja kniha pra historyju źjaŭleńnia i raźvićcia čałaviečaj papulacyi ŭ Jeŭropie
Z pamierłymi možna budzie kamunikavać. Źjaviŭsia štučny intelekt, zdolny stvarać ličbavuju kopiju čałavieka
Novy fieniks: navukoŭcy blizkija da taho, kab uvaskresić vymierły vid ptušak
Aleksijevič narešcie vykazałasia pra Izrail i Paleścinu27
Kamientary