Na knižnaj vystavie ŭ Biełastoku budzie pracavać biełaruski paviljon z knihami niekalkich vydaviectvaŭ
21-23 krasavika ŭ Biełastoku projdzie hrandyjoznaja knižnaja vystava — hałoŭnaje mierapryjemstva takoha kštałtu na ŭschodzie Polščy. Siarod udzielnikaŭ — biełaruskija niezaležnyja vydaviectvy, jakija buduć mieć admysłovy paviljon pad numaram 24.
Tut vy znojdziecie samy šyroki vybar knih vydaviectvaŭ «Januškievič», «Cymbieraŭ», «Hutenbierh», ARCHE, «Knihazbor», «Technałohija», «Knihaŭka» i inšych. Pa-sapraŭdnamu vialiki vybar knih, jakija vychodzili ŭ Biełarusi, a ciapier — za jaje miežami. Vystava budzie prachodzić na terytoryi Haradskoha stadyjona (vuł. Słaniečnaja, 1). Što važna, uvachod i parkoŭka biaspłatnyja.
Na vystavie ŭ Biełastoku adbuducca sustrečy ź piśmieńnikami Uładzimiram Arłovym (niadziela, 12.00) i Alesiem Kudryckim (subota, 14.00).
Budzie prezientavana šmat navinak:
ad vydaviectva «Januškievič»
Aleś Kudrycki «Kazik z Kamiennaj Horki i Viadźmak Schavanaha Horada» (žanr fentezi 12+)
Valer Hapiejeŭ «Volniery. Pradvieście» (žanr fentezi, kazka 12+)
«Nikoli bolej. Uspaminy represavanych haradziencaŭ» (non-fikšn).
Ad vydaviectva «Hutenbierh»
pazł «Bitva pad Oršaj»
Alina Vysockaja «Biełaruski narodny sońnik».
Ad vydaviectva «Cymbieraŭ»
Nasta Kudasava «Pobač» (zbornik vieršaŭ), ź ilustracyjami Śviatłany Dziemidovič.
Taksama ŭ Biełastoku možna budzie nabyć apošnija ramany Alhierda Bachareviča, detektyŭ ad Ściny Džeksan, pieršaje vydańnie «Vialikaha Hetśbi» Frensisa Ficdžeralda, «I ŭzychodzić sonca» Ernesta Cheminhueja i dadrukavanyja ekzemplary troch pieršych knih pra Hary Potera.
Źjaviŭsia pazł «Bitva pad Oršaj» i «Biełaruski narodny sońnik»
Biełarus pradaŭ na aŭkcyjonie karobku ad cukierak z tych časoŭ, kali Minsk jašče byŭ Mienskam
-
U sacsietkach uspłyła karcina Białynickaha-Biruli. Nie ŭsie vierać, što akademik moh malavać tak
-
«Z zadavalnieńniem syhrała b Kaleśnikavu». Śviatłana Zielankoŭskaja — pra novyja roli, Michałka i toje, jak zavablivali viarnucca ŭ Biełaruś
-
Mižnarodny Kanhres daśledčykaŭ Biełarusi nazvaŭ najlepšyja navukovyja publikacyi za 2023 hod
Vaskrasienski: Treba, kab Sikorski pryvioz padarunak Łukašenku. A Bialacki i 20 zavadataraŭ vyjduć apošnimi26
Kamientary