Pad Mahilovam dla zatrymańnia padazravanaha ŭ zabojstvie AMAP šturmavaŭ lecišča
Na leciščy pad Mahilovam zatrymali padazravanaha ŭ zabojstvie. Im akazaŭsia 46-hadovy mahiloviec, raniej sudzimy za zabojstva.
Dniom u sieradu, 19 krasavika, u milicyju patelefanavała žycharka vioski Hałyniec-1 Mahiloŭskaha rajona, jakaja pryjechała da svajho svajaka na dačny ŭčastak. Jana raskazała, što ŭ dvary doma źjaviŭsia śviežy ziemlany nasyp, ź jakoha bačnyja častki cieła, a ŭ samim pamiaškańni chtości začyniŭsia, paviedamiła pres-słužba MUS.
Prysiadzibny ŭčastak ačapili. Kab zatrymać čałavieka, jaki znachodziŭsia ŭ domie, była arhanizavanaja apieracyja ź siłavym zachopam, jakuju pravodziŭ miascovy AMAP.
Na miescy pracuje śledča-apieratyŭnaja hrupa, abstaviny zdareńnia vyśviatlajucca.
Kamientary