Biełarusy stali bolš tracić na avijabilety i braniravańnie hatelaŭ
Ofis danych «Biełhazprambanka» padrychtavaŭ novy infarmacyjny vypusk ab spažyvieckich pieravahach klijentaŭ. U ahladzie pradstaŭlenaja dynamika pakazčykaŭ asobnych halin ekanomiki ŭ pieršym kvartale 2023 hoda ŭ paraŭnańni z anałahičnym pieryjadam minułaha hoda, paviedamlaje Myfin.by.
— jak źmianiłasia struktura vydatkaŭ klijentaŭ u pieršym kvartale 2023 hoda;
— jak nasielnictva pravodzić svoj volny čas;
— jak źmianiŭsia popyt na servisy dastaŭki praduktaŭ.
Analityki adznačajuć, što z kanca 2022 hoda praciahvajecca rost sum tranzakcyj pa kupli avijabiletaŭ i braniravańni hatelaŭ: na 13% i 50% u paraŭnańni z anałahičnym pieryjadam minułaha hoda. Siaredni ček u danych katehoryjach pavialičyŭsia na 10% i 22% adpaviedna.
U studzieni — sakaviku klijenty stali bolš aktyŭna naviedvać kinateatry, pry hetym siaredni ček vyras na 40%.
Pa danych Biełhazprambanka, suma tranzakcyj u śfiery budaŭnictva i ramontu pamienšyłasia na 17,5% u paraŭnańni z anałahičnym pieryjadam minułaha hoda, pry hetym kolkaść apieracyj u ciehmiencie zastałasia praktyčna bieź źmienaŭ.
Rasijan siarod zamiežnych turystaŭ u Biełarusi — 96%
Biełaruski turbiznes sioleta nie budzie ŭ stanie zadavolić popyt na vyjazny turyzm
Kamientary