ZŠA prosiać Braziliju vydać rasijskaha raźviedčyka. Jon sprabavaŭ uładkavacca ŭ Mižnarodny kryminalny sud
Vašynhton nakiravaŭ zapyt Brazilii ab ekstradycyi mierkavanaha supracoŭnika HRU Siarhieja Čarkasava, jakoha amierykanskija ŭłady abvinavačvajuć u špijanažy na karyść rasijskaj raźviedki. Pra heta paviedamlaje telekanał «Dožd́» sa spasyłkaj na The Washington Post.
ZŠA pieradali svoj zapyt u Viarchoŭny sud krainy, jaki zvyčajna zajmajecca pytańniami ekstradycyi. Pry hetym u Brazilii nie vyklučajuć, što pytańnie daviadziecca razhladać na ŭzroŭni prezidenta.
Maskva taksama prosić vydać joj Čarkasava pa abvinavačvańni ŭ handli narkotykami. Adnak, jak u ZŠA, tak i ŭ Brazilii ŭvažajuć hety zapyt rasijskaha boku za «vidavočnyja chitryki».
Ab zatrymańni Čarkasava abviaściła Słužba ahulnaj raźviedki i biaśpieki Niderłandaŭ u červieni 2022 hoda. Pa śćviardžeńni vyviedki, rasijanin vydavaŭ siabie za hramadzianina Brazilii Viktara Fierejru i sprabavaŭ uładkavacca na pracu ŭ Mižnarodny kryminalny sud u Haazie. U niderłandskim pres-relizie jaho nazvali «raźviedčykam-nielehałam».
U listapadzie 2022 hoda Bellingcat i The Insider vykazali zdahadku ŭ svaim rasśledavańni, što rasijskija ŭłady sfabrykavali suprać Čarkasava kryminalnuju spravu ab handli narkotykami z metaj viarnuć jaho na radzimu. Śledčyja matyvavali heta tym, što ŭ abvinavaŭčym akcie suprać Čarkasava byli niesastykoŭki.
Akramia taho, jak vyśvietlili The Insider i Bellingcat, padčas svajoj mierkavanaj złačynnaj dziejnaści Čarkasaŭ navat nie byŭ u Rasii. Pry hetym jon trapiŭ u rasijskuju bazu vyšuku za niekalki dzion da taho, jak u Hienprakuratury skłali zapyt na jaho ekstradycyju, a da hetaha nichto jaho vyšukam nie zajmaŭsia.
U sakaviku 2023 hoda stała viadoma, što ZŠA vystavili Čarkasavu abvinavačvańni ŭ špijanažy i machlarstvie. Pavodle viersii amierykanskaha Miniusta, Čarkasaŭ pačaŭ pracavać u jakaści rasijskaha ahienta ŭ Brazilii ŭ 2012 hodzie, a praz šeść hadoŭ pierajechaŭ u ZŠA pad vyhladam studenta, dzie źbiraŭ źviestki dla rasijskaj raźviedki.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary