Ciepłavoz, jaki padarvali ŭ Branskaj vobłaści, naležyć łakamatyŭnamu depo Homiel — Supolnaść čyhunačnikaŭ Biełarusi
Supolnaść čyhunačnikaŭ Biełarusi paćvierdziła, što ciahnik, jaki syšoŭ z rejek u Branskaj vobłaści, naležyć BČ.
Pavodle ich, ciepłavoz sieryi 2TE10UK №0195 staić na ŭliku ŭ prypisnym parku łakamatyŭnaha depo Homiel Biełaruskaj čyhunki.
U adpaviednaści z dahavoram na absłuhoŭvańnie pamiž čyhunačnymi administracyjami Biełarusi i Rasii, učastak Homiel-Bransk absłuhoŭvajecca sumiesna łakamatyvami i łakamatyŭnymi bryhadami jak rasijskaha, tak i biełaruskaha bakoŭ, paviedamlaje supolnaść.
Čyhunačniki adznačajuć, što pry padobnych zdareńniach paźbiehnuć čałaviečych achviar z boku łakamatyŭnaj bryhady ŭdałosia tolki dziakujučy ščaślivamu źbiehu abstavin.
U Rasii stvorany apieratyŭny štab dla kaardynacyi raboty pa likvidacyi nastupstvaŭ hetaha krušeńnia.
Na paŭdniovym zachadzie Branskaj vobłaści rasijskimi ŭładami ŭviedzieny płan «Pierachop». Šukajuć dvuch mužčyn, mahčyma, datyčnych da hetaha zdareńnia — jany trapili na kamiery nazirańnia pablizu miesca vybuchu.
Kamientary