13 čałaviek u Rasii atrymali ad čatyroch da 23 hadoŭ pa spravie ab dyviersijach
Vajskovy sud u rasijskaj Čycie prysudziŭ hrupu z 13 čałaviek da terminaŭ ad čatyroch da 23 hadoŭ pa spravie ab dyviersijach i padrychtoŭcy da teraktu, paviedamlaje Rasijskaja słužba Radyjo Svaboda.
Na łavie padsudnych akazalisia Jahor Kusaniec, Uładzisłaŭ Turhušaŭ, Arciom Biehajan, Danił Vałabujeŭ, Jaŭhien Jelizaraŭ, Illa Dziemiešaŭ, Kanstancin Zielcaŭ, Amał Ihambierdzijeŭ, Maćviej Kiryłaŭ, Karamatułach Niematułojeŭ, Vasil Nižaharodaŭ, Alaksiej Nifantaŭ i Kirył Šechtar.
Pa viersii śledstva, sa śniežnia 2022 hoda pa studzień 2023 hoda ŭdzielniki hrupy ździejśnili 13 dyviersij na abjektach čyhunačnaj i enierhietyčnaj infrastruktury «na terytoryjach horada Maskvy i Krasnajarskaha kraju». Akramia taho, jany nibyta płanavali padpalić šmatmetavyja źniščalniki ŭ adnoj z vajskovych častak u Prymorji.
Śledstva miarkuje, što takim čynam udzielniki hrupy chacieli prymusić rasijskija ŭłady spynić vajnu va Ukrainie.
Sud pryznačyŭ 20-hadovamu Jahoru Kusancu 23 hady pazbaŭleńnia voli, Uładzisłavu Turhušavu — 21 hod, Arciomu Biehajanu — 20 hadoŭ, Illi Dziemiešavu — 19 hadoŭ. Astatnija asudžanyja atrymali ad vaśmi z pałovaj da 16 hadoŭ pazbaŭleńnia voli. Alaksieju Nifantavu pryznačyli 4 hady za dapamohu.
***
Paśla ŭvarvańnia va Ukrainu ŭ Rasii pačaścilisia vypadki dyviersij na čyhuncy i inšych abjektach infrastruktury. Za padpały časta zatrymlivajuć vielmi maładych ludziej.
U vyniku padpałaŭ nichto nie zahinuŭ. Zatrymanym pa abvinavačvańni paśla viasny 2022 hoda, kali vypadki stali masavymi, čaściej za ŭsio staviać u vinu artykuł ab teraryźmie. Bolš za 30 spraŭ užo zaviaršylisia prysudam, samy surovy ź jakich — 19 hadoŭ kałonii — dali dvum antyvajennym aktyvistam za padpał budynka haradskoj administracyi ŭ Čalabinskaj vobłaści.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič7
Kamientary