Vyłupiłasia kvołaje, ale vielmi miłaje ptušania.
U safary-parku San-Dyjeha dva pryjomnyja taty-fłaminha vysiedzieli jajka i ciapier sumiesna vykormlivajuć ptušania, paviedamlaje Rasijskaja słužba Radyjo Svaboda.
Śpiecyjalisty padkłali ŭ hniazdo dvuch fłaminha, jakim užo bolš za sorak hadoŭ, apłodnienaje jajka — paśla taho, jak jany paśpiachova prajšli test z mulažom jajka ŭ pačatku hetaha hoda.
«Para adpracavała svaje baćkoŭskija abaviazki, čarhujučy abaviazki pa vysiedžvańni», — raspavioŭ park u Instagram. U vyniku ŭ fłaminha vyłupiłasia ptušania, jakoha taty vykormlivajuć «ptušynym małakom» z vallaka.
«Karmić ptušania takim čynam mohuć i samcy, i samki», — paviedamili ŭ safary-parku, adznačyŭšy, što vystupać u roli karmicielaŭ mohuć taksama pryjomnyja baćki.
Fłaminha z San-Dyjeha dałučylisia da inšych adnapołych par ptušak, jakija paśpiachova vyraścili dzicianiat. Raniej ptušaniatka vyvieli dva samcy fłaminha ŭ brytanskim Piejntanie, dva samcy hryfonaŭ u Amsterdamie i dva samcy pinhvinaŭ u Ńju-Jorku.
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič7
Kamientary