Žychar Rečycy pryhavorany da troch hadoŭ pazbaŭleńnia voli va ŭmovach kałonii strohaha režymu za złosnaje chulihanstva.
Złačynstva było ŭ tym, što abvinavačany adkusiŭ končyk nosa ŭ padletka. Pryhavor vyniesieny 21 kastryčnika, abvinavačany abaviazany vypłacić svajoj achviary 3 młn. rubloŭ maralnaj škody. Pryhavor nabyŭ zakonnuju moc, paviedamiła v. a. staršyni suda Rečyckaha rajona Śviatłana Šurpo.
Pavodle jaje słoŭ, heta adbyłosia letam 2009 hoda. Nieadnarazova sudzimy žychar Rečycy 1985 hoda naradžeńnia raśpivaŭ śpirtnyja napoi ŭ dvary doma i staŭ prasić u padletkaŭ, što prachodzili mima, zakuryć.
Jamu nie spadabaŭsia ton admovy školnikaŭ, i jon zaviazaŭ bojku, padčas jakoj adkusiŭ končyk nosa ŭ 15‑hadovaha chłopca.Padletka zabrała chutkaja dapamoha, častku nosa pryšyli, ale, pavodle zaklučeńnia ekśpiertyzy, traŭma nasiła niezvarotny charaktar — tvar školnika źniaviečany.
«Abvinavačany svaju vinu pryznavaŭ całkam, ničoha nie utojvaŭ, nie abialaŭ siabie, zhadziŭsia i ź iskam ab spahnańni za maralnuju škodu», — udakładniła sudździa.
Kamientary