Nieviadomyja sprabavali spalić Su-24 na avijazavodzie ŭ Novasibirsku
Videa achoplenaha ahniom samalota było napiaredadni apublikavana ŭ kanale «Lehijon Svaboda Rasii». U im śćviardžałasia, što Su-24 całkam źniščany. Siońnia rasijskija kanały heta abvierhli.
Videa z padpalenym samalotam supravadžałasia podpisam: «Ranicaj 8 maja 2023 hoda ŭ Novasibirsku na terytoryi avijacyjnaha zavoda kampanii «Suchoj» nieviadomyja partyzany źniščyli bajavy samalot Su-24. Samalot znachodziŭsia na placoŭcy avijacyjnaj techniki, pryznačanaj dla ramontu i madernizacyi. Jak nam paviedamili, samalot paśpiachova dahareŭ. Ramont jamu ŭžo nie spatrebicca».
Siońnia «Baza» apublikavała infarmacyju, što heta nie tak. Pavodle vydańnia, na avijazavodzie daviedalisia pra padpał z sacsietak. «Paśla hetaha supracoŭniki palicyi abyšli terytoryju Novasibirskaha avijacyjnaha zavoda i sapraŭdy vyjavili Su-24 1990 hoda z prykmietami padpału», — raspaviadaje vydańnie.
Paśla pravierki nibyta vyśvietliłasia, što Su-24 «asabliva nie paciarpieŭ», ale kala šasi byli «ślady hareńnia lohkaŭzharalnaj vadkaści».
Ciapier padazravanych, jakija trapili na zavod, pierakusiŭšy sietku-rabicu, šukajuć siłaviki, piša «Baza».
Tracina pamiłavanych palitviaźniaŭ i tak pavinny byli vyjści na svabodu ciaham miesiaca5
Tracina pamiłavanych palitviaźniaŭ i tak pavinny byli vyjści na svabodu ciaham miesiaca
Biełaruskaja aktrysa, jakaja syhrała palitźniavolenuju Kaciarynu Andrejevu, adčyniła kniharniu va Urocłavie3
Kamientary