Adbyŭsia incydent z pasažyram na stancyi «Praletarskaja».
19 červienia ŭ 13:56 spynieny ruch na Aŭtazavodskaj linii mietro ŭ suviazi ź incydentam z pasažyram na stancyi «Praletarskaja». Pra heta paviedamlaje Minski mietrapaliten, nie pryvodziačy padrabiaznaściaŭ.
Praź niejki čas ruch byŭ adnoŭleny.
Kamientary
😱 Paru dzion tamu, centar «horadu hrachoŭ» — sparudy niby pomniki, niaŭhledny virtualny prach, pach pyłu, topalevy puch. Ja niechlamaža sychožu z hetaje piakoty pad ziamlu j tutaka, na stancyi miatra, čuju «Čałaviek na rejkach, čałaviek!». Padchilaŭ da kraju platformy — dy nie, nie na, a jakraz lažyć miž rejek, tak by mović, całkam słušna, pa instrukcyi — kab ciahnik prajechaŭ akurat nad im i tolki dabiŭ padstrelenuju psychyku.
🦸♂️ Tudy, u jamku, sihanuli dva vajskoŭcy, pryšpilna, što zamiežnaje krainy. A ludzi mitusiacca nad tej jamaju, dajuć parady, zdymajuć na dalkažyki. Vajskoŭcy ž pryvodziać, darečy, niemaładoha vieku prystojna apranutuju achviaru ŭ pačućci, ale ŭsio adno pad jeju čarnieje kalužyna kryvi.
🚇 I tutaka, aślaplajučy scenu svaimi safitami, lacić na ich piakielny pryhažun ciahnik. Ludzi nachililisia nad proryńniu, matlajuć rukami j hałovami: «Stoj! Sto-oj!!!». Dyk tej, bač ty, i spyniŭsia ŭ tuneli, tak nikoha j nie rastruščyŭšy...
🕖 Narešcie vajskoŭcy zamiežnaje krainy «ekshumavali» akryvaŭlenaje cieła ź jamy, cieła zakruciła hałavoj i ŭśmichnułasia. Ciahnik pryčaliŭ na peron, ź jaho vysypalisia pasažyry, a pasažyry-hladačy pravalilisia ŭ jahonyja stalovyja vantroby j źnikli ŭ pryšłaści.
🎭 I «šo», razynka ŭ čym? A razynka «šoŭ» u tym, što ŭračy nie prylatali! Nie abjaviŭsia navat nijaki dziažurny felčar, a dziažurnyja siłaviki j achoŭnički niby skroź ziamlu papravalilisia — tolki kudyści najhłybiej za sorak metraŭ, dzie zalahaje hena stancyja.
🫣 Voś takaja zdaryłasia na maich vačoch anarchija, maci jaje, paradku! :)