Pra heta žurnalistam u paniadziełak paviedamiŭ načalnik upraŭleńnia žyllovaj palityki Minskaha harvykankama Mikałaj Kom.
Kiraŭnik upraŭleńnia nahadaŭ, što 16 listapada prezidentam Biełarusi byŭ padpisany Ukaz № 543, zhodna ź jakim u našaj krainie źmianiajucca ŭmovy pryniaćcia hramadzian na ŭlik asobaŭ z patrebaj u palapšenni žyllovych umoŭ, zabieśpiačeńnia žyłymi pamiaškańniami dziaržaŭnaha žyllovaha fondu, a heta pavinna pryviesci da skaračeńnia čarhovasci ŭžo ŭ nastupnym hodzie.
Takim čynam, na ŭlik asobaŭ z patrebaj u palapšenni žyllovych umoŭ nie prymajucca hramadzianie, zabiaśpiečanyja ahulnaj žyłoj płoščaj bolš jak 15 kv. m na čałavieka.
Treba zaŭvažyć, što ciapier budzie ŭličvacca suma płoščaŭ usich žyłych pamiaškańniaŭ, jakija znachodziacca va ŭłasnasci abo ŭ karystanni hramadzianina i členaŭ jaho siam'i.
Asobna adznačajecca, što asoby, jakija ŭpieršyniu ŭziali ŭ šlub i žyvuć razam z baćkami, ciapier buduć prymacca na žyllovy ŭlik na ahulnych padstavach z ulikam zabiaśpiečanasci žyllom na kožnaha žychara mienš jak 15 kv. m ahulnaj płoščy. Hetaja pazicyja była adredaktavana staličnymi čynoŭnikami nie biespadstaŭna. U apošnija hady ŭ žyllovuju čarhu byli ŭklučany ŭ jakasci tych, chto ŭpieršyniu ŭziaŭ šlub i nie maje asobnaj kvatery, 114 tysiač siemjaŭ. Razam z tym, vialikaja častka takich maładych siemjaŭ žyvie razam z baćkami ci inšymi členami siam'i časam u davoli vialikich pa płoščy kvaterach.
Miž inšym, jak adznačyŭ Mikałaj Kom, siońnia ŭ Minsku ŭ čarzie na atrymańnie sacyjalnaha žylla staić 1200 siemjaŭ i hramadzian. Pa linii pazačarhovaha budaŭnictva z mahčymaściu atrymańnia lhotnaha žyllovaha kredytu na ŭliku staić 8,5 tysiačy siemjaŭ, ź jakich siońnia 3 tysiačy siemjaŭ užo budujuć sabie žyllo. Mikałaj Kom ličyć, što dla bolš chutkaha skaračeńnia žyllovaj čarhi, u stalicy treba macniej prapahandavać nasielnictvu sistemu budźbieražeńniaŭ, razvivać ipatečnaje kredytavańnie i miechanizm vykarystańnia žyllovych ablihacyj. Nie apošniuju rolu ŭ razvicci žyllovaha siektara adyhryvaje dolevaje budaŭnictva. Kiraŭnik upraŭleńnia paviedamiŭ, što siońnia pa linii dolevaha budaŭnictva lhotnyja kredyty na 20 hadoŭ pad 5 pracentaŭ hadavych u Minsku atrymali ŭžo kala 1,5 tysiačy zabudoŭščykaŭ.
Hety ŭkaz kiraŭnika dziaržavy ŭvachodzić u siłu z 19 lutaha nastupnaha hoda.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2121
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»21
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary