Zahinuŭ małady polski deputat — adzin z samych papularnych u sacsietkach
36‑hadovy Łukaš Liteŭka byŭ naśmierć źbity aŭtamabilem, kali jechaŭ na rovary, piša Onet.pl.
Avaryja adbyłasia ŭ horadzie Dambrova-Hurniča ŭ Silezskim vajavodstvie dniom na darozie, što išła praź les. Pavodle źviestak palicyi, 57‑hadovy kiroŭca aŭtamabila vyjechaŭ na sustrečnuju pałasu, dzie sutyknuŭsia z ravarystam, paśla čaho ŭrezaŭsia ŭ dreva. Miarkujecca, što pryčynaj mahło stać raptoŭnaje paharšeńnie stanu zdaroŭja kiroŭcy abo toje, što jon zasnuŭ za rulom. Kiroŭca byŭ ćviarozy i pryznaŭ svaju vinu.
Niahledziačy na sproby miedykaŭ reanimavać paciarpiełaha, vyratavać jaho nie ŭdałosia. Sudova-miedycynskaja ekśpiertyza pakazała, što pryčynaj śmierci staŭ mocny kryvaciok: u vyniku ŭdaru byli paškodžanyja važnyja arteryi, asabliva ŭ vobłaści nahi.
Łukašu Liteŭku było 36 hadoŭ, jon byŭ siabram partyi «Novyja levyja» (Nowa Lewica). Deputatam Siejma staŭ u 2023 hodzie, niečakana atrymaŭšy vielmi vysokuju padtrymku vybarščykaŭ, choć išoŭ u partyjnym śpisie nie na viadučaj pazicyi. Da hetaha pracavaŭ u miascovym samakiravańni ŭ horadzie Sasnoviec.
Liteŭka byŭ viadomy svajoj aktyŭnaj hramadskaj dziejnaściu: arhanizoŭvaŭ zbor srodkaŭ dla chvorych dziaciej, dapamahaŭ žyviołam i padtrymlivaŭ sacyjalnyja inicyjatyvy. Palityk byŭ vielmi aktyŭny ŭ sacsietkach, i jahonuju dziejnaść padtrymlivała šyrokaja supolnaść.
Kiroŭcu, jaki staŭ pryčynaj avaryi, ciapier pahražaje kryminalnaja adkaznaść — ad niekalkich miesiacaŭ da vaśmi hadoŭ pazbaŭleńnia voli.
«Daŭ usim pa hranacie i skazaŭ: «Viedajecie, što rabić». Litoviec, jaki vajavaŭ z Łazoŭskim, napisaŭ praniźlivy ŭspamin pra jaho
75‑hadovy śviatar pierabiahaŭ vaśmipałosnuju trasu pad Minskam — i zahinuŭ pad kołami «Falksvahiena»
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi
Ciapier čytajuć
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski5
Chitry rasijanin Jaŭhien z žonkaj i małym prydumali, jak biaspłatna pažyć u kvatery biełaruski
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary