Pavodle krynic ahienctva, zusim niadaŭna Suśvietnaja arhanizacyja achovy zdaroŭja šlacham daśledavańnia vyjaviła, što samy raspaŭsiudžany padsałodžvalnik źjaŭlajecca kancerahienam. Chutka moža nadyści aficyjnaje pryznańnie.
Štučny zamieńnik cukru aspartam, jaki masava vykarystoŭvajecca ŭ śviecie pry vytvorčaści nizkakałaryjnaj koka-koły dy inšych sałodkich napojaŭ, moža być vielmi chutka aficyjna pryznany kancerahienam. Pra heta ahienctvu Reuters paviedamili krynicy z Suśvietnaj arhanizacyi achovy zdaroŭja (SAAZ).
Pa ich infarmacyi, rehulatary SAAZ pa daśledavańni raku i charčovaj biaśpieki ŭ červieni zaviaršyli daśledavańnie, jakoje vyznačyła ŭłaścivaść aspartamu ŭpłyvać na ŭźniknieńnie raku ŭ čałavieka.
Uśled za hetym adkryćciom nieŭzabavie moža rušyć aficyjnaje pryznańnie hetaha padsałodžvalnika niebiaśpiečnym dla ŭžyvańnia.
«Abjadnany ekśpiertny kamitet pa charčovych dabaŭkach (JECFA) i Mižnarodnaje ahienctva pa daśledavańni raku (IARC) praviali dva asobnyja kanfidencyjnyja daśledavańni i vyznačyli, što asnoŭny kampanient koka-koły, padsałodžvalnik aspartam, źjaŭlajecca ŭzbudžalnikam raku. Užo 14 lipienia pavinna być vydadziena aficyjnaja zajava SAAZ z nastupnym uniasieńniem aspartamu ŭ śpis niebiaśpiečnych rečyvaŭ», — piša ahienctva Reuters sa spasyłkaj na svaje krynicy ŭ SAAZ.
Pry hetym krynicy adznačajuć, što, niahledziačy na biesprecedentnaść budučaj zajavy, kampanija Coca-Cola zmoža znajści zamienu svajmu asnoŭnamu kampanientu, kab paźbiehnuć masavych sudovych pracesaŭ sa spažyŭcami.
Ciapier čytajuć
Na Dzień Voli i dzień inaŭhuracyi Łukašenki ŭ Biełarusi abmiažujuć internet7
Kamientary
białku. To bok tam, dzie jość aminakisłoty - tam budzie i hłutamat natryju,
jaki stvaraje hust białku aka umami. Prablemu stvaraje vyklučna
zvyšnarmatyŭnaje ŭžyvańnie hetaha rečyva, asabliva niedabrasumlennymi
vytvorcami, jakija sprabujuć praz heta palepšyć hust nizkajakasnych
charčovych vyrabaŭ. Ale toje ž samaje mahčyma skazać i ŭ datyčeńni da
zvyčajnaj pavaranaj soli aka chłoryd natryja.
A šmatlikim daśledvańniam i
sprečkam na kont kancerahienaści aspartamu ŭžo niekalki dziastkaŭ hod i
pakul što ŭpyŭniena havoryć ab škodnaści aspartamu mahčyma tolki pry
zvyšnarmatyŭnam jahonym ŭžyvańni. Tamu adnosiny da aspartamu - sprava
kštałtu padabajecca/nie padabajecca, naprykład moža nie padabacca jahony
paślahust.