Ličba dnia: prajazny na ŭsie vidy haradskoha transpartu ŭ Minsku padaražeŭ na 666 kapiejek
I ciapier kaštuje bolš za 100 rubloŭ.
![](http://nashaniva.com/img/w732d4webp1/photos/z_2023_07/prajazny1_230706-qyir3.jpg.webp)
Ad siońnia prajazny na ŭsie vidy haradskoha transpartu ŭ Minsku kaštuje bolš za 100 rubloŭ. A kankretna — 102 rubli 24 kapiejki. Što adbyłosia, raźbiraŭsia Blizko.by.
Adbyłosia padaražańnie prajezdu na čyhuncy. Nieviadomym zastajecca tolki toje, kolki zaraz buduć kaštavać prajaznyja ŭ Minsku z ulikam pajezdak na ciahnikach tak zvanych «haradskich linij».
Voś dakładnyja ličby.
![](http://nnexpictures.fra1.digitaloceanspaces.com/img/w732d4webp1/photos/z_2023_07/prajanzy2_230706-nhqk5.jpg.webp)
Jašče ŭčora prajazny na ŭsie šeść vidaŭ haradskoha transpartu ŭ Minsku (aŭtobus, tralejbus, tramvaj, mietro, aŭtobus-ekspres, haradskija elektryčki) kaštavaŭ 95,58 rubla. A siońnia — užo 102,24 rubla, abo na 6,66 rubla bolš (rost na 7%).
Prajazny na piać vidaŭ transpartu (aŭtobus, tralejbus, tramvaj, mietro, aŭtobus-ekspres) — heta značyć biez haradskoj elektryčki — kaštuje pa-raniejšamu 69 rubloŭ 86 kapiejek.
Naohuł u Minsku jość i bolš darahi prajazny, jaki kaštuje 155 rubloŭ 25 kapiejek, ale jon nie ŭklučaje ŭ siabie ni mietro, ni haradskija elektryčki, a dziejničaje tolki na aŭtobus-tralejbus-tramvaj-ekspres na praciahu 90 sutak.
![](http://nnexpictures.fra1.digitaloceanspaces.com/img/w732d4webp1/photos/z_2023_07/prajazny3_230706-u46y6.jpg.webp)
Novyja taryfy apublikavanyja na sajcie «Minsktransa» ŭ raździele «Taryfy», na śpiecyjalnaj staroncy — kalkulatary koštu prajaznych, a taksama inafarmacyja pra novyja ceny raźmieščanaja ŭ kasach mietro i biletnych kijoskach.
Kamientary