U Lidzie jašče dźvie dziaŭčynki nabrali na ekzamienach 400 bałaŭ. U horadzie takich ciapier troje
U pačatku lipienia stała viadoma, što abituryjentka ź Lidy Palina Dyčak nabrała padčas ustupnaj kampanii 400 bałaŭ z 400 mahčymych. Ciapier ža ŭpraŭleńnie adukacyi Lidskaha rajvykankama paviedamiła pra jašče dva anałahičnyja vyniki ŭ haradskich školnikaŭ.
Vypusknica himnazii №1 Lidy Anhielina Łaško atrymała 100 bałaŭ na centralizavanym testavańni pa historyi Biełarusi. Akramia taho, u abituryjentki 100 bałaŭ pa vynikach centralizavanych ekzamienaŭ pa hramadaznaŭstvie i ruskaj movie. Siaredni bał atestata ŭ jaje — 10. Taksama Anhielina pieramožca ŭniviersiteckich alimpijad HrDU imia Janki Kupały pa historyi Biełarusi i ruskaj movie i litaratury.
U płanach dziaŭčyny — pastupleńnie na fakultet žurnalistyki BDU.
Jašče adzin maksimalny vynik ustupnaj kampanii 2023 hoda — u vypusknicy toj ža lidskaj himnazii №1 Ksienii Sabatkoŭskaj. Ksienija skončyła himnaziju z załatym miedalom, siaredni bał atestata — 10. Pa vynikach centralizavanych ekzamienaŭ u abituryjentki 100 bałaŭ pa hramadaznaŭstvie i ruskaj movie. Jašče 100 bałaŭ Ksienija atrymała, zavajavaŭšy dypłom 1 stupieni (absalutny) na zaklučnym etapie respublikanskaj alimpijady pa anhlijskaj movie.
Svaju budučuju prafiesiju Ksienija płanuje źviazać z zamiežnymi movami i stać studentkaj Minskaha dziaržaŭnaha linhvistyčnaha ŭniviersiteta.
Raniej stała viadoma, što maksimalnyja 400 bałaŭ na testavańni nabrali Mark Mackievič z Navapołacka, Palina Dyčak ź Lidy, Volha Druščyc z Žabinkaŭskaha rajona, Milena Vaśko z Mazyra, Dzianis Kahukin z Połacka, Raman Kandracienia z Hancavič i Alina Chartnik z Klimavič.
«Pastupleńnie ŭ Rasiju z adnakłaśnikami abmiarkoŭvali tolki da vajny». Biełaruskija vypuskniki — pra budučyniu, sistemu vyšejšaj adukacyi i represii va ŭniviersitetach
«Možacie nie ŭstupać, ale navošta baćkam marnavać hrošy na arendu kvatery?» U MDŁU pałochajuć, što biez členstva ŭ prafsajuzie i BRSM nie zasielać u internat
«Dačka maryła stać nastaŭnikam historyi, a siońnia maryć źjechać z krainy». Baćki biełaruskich školnikaŭ raskazali, jakija płany ciapier u ichnich dziaciej
Čamu ŭ Haazie nie buduć rasśledavać katavańni i zabojstvy ŭ Biełarusi? Tłumačyć Łatuška i deputat Jeŭraparłamienta ad Litvy1
Kamientary