Z suda nad Mažejkam špitalizavali haradzienku Śviatłanu Rynkievič. Unačy jana pamierła ŭ balnicy
Śviatłanie Rynkievič raptam zrabiłasia błaha, jana asieła na ziamlu, chutkaja zabirała jaje nieprytomnaj.
Učora z pracesu nad žurnalistam Paŭłam Mažejkam i advakatkaj Julijaj Jurhilevič chutkaja zabrała Śviatłanu Rynkievič — haradzienskuju aktyvistku, napisała ŭ svaim fejsbuku žonka Paŭła Mažejki Iryna Čarniaŭka.
«Unačy spadarynia Śviatłana pamierła ŭ špitali. Ja znajšła tolki takuju jaje fota, i imia jaje nie adrazu zhadali našyja rodnyja i siabry. Choć spadarynia Śviatłana była na ŭsich pasiedžańniach Paŭła i Julii. I na pasiedžańniach inšych palityčnych pracesaŭ, inšych haradziencaŭ.
Heta tyja maleńkija niabačnyja hieroi, jakija padychodziać, kab uśmichnucca čałavieku ŭ kletcy — i dla mnohich palitviaźniaŭ heta adzinaja ŭśmieška, jakuju jany bačać u sudovaj zali. Kab abniać maci, pacisnuć ruku baćku, usio zapomnić i pierakazać. Ludzi-sercy…
Adbyłosia ŭsio tak: kali ŭčora, kala 16-j sudździa zrabiŭ praces Paŭła i Julii zakrytym, siamja i siabry musili vyjści i čakać zakančeńnia pasiedžańnia ŭ dvary pierad sudom. Śviatłanie Rynkievič raptam zrabiłasia błaha, jana asieła na ziamlu, chutkaja zabirała jaje nieprytomnaj.
Viadoma, što ŭ špitali jana ŭpała ŭ komu. Unočy pamierła.
Śviatłana Rynkievič sama prajšła praz zatrymańni i straciła pracu, bo ŭdzielničała ŭ maršach u 20-m hodzie», — napisała Iryna Čarniaŭka.
Były palitviazień z žonkaj adkryli kramu suvieniraŭ — jak idzie sprava?4
Były palitviazień z žonkaj adkryli kramu suvieniraŭ — jak idzie sprava?
Kurejčyk patłumačyŭ, u čym hałoŭnaja pieravaha Kaardynacyjnaj rady novaha sklikańnia nad starym składam3
Kamientary