Na rasijskim telebačańni ŭ pieršym paŭhodździ značna vyras popyt na mistyčnyja pieradačy. Telekanały pačali pierazapuskać staryja prajekty i ŭvodzić novyja. Letaś i sioleta padobnyja tendencyi nazirali vydavieckija damy i navučalnyja kursy, piša «Kommiersant».
Ekśpierty źviazvajuć tendencyju, z adnaho boku, sa «stałaściu farmatu», a z druhoha — z žadańniem hramadzian u kryzisnyja časy «ŭciačy ad realnaści» i zrazumieć «pryčyny ŭsiaho taho, što adbyvajecca».
Pavodle słoŭ krynicy «Kommiersanta» na TB-rynku, u cełym popyt na pieradačy mistyčnaha žanru ŭ pieršym paŭhodździ vyras na 34%.
U TNT sa spasyłkaj na danyja Mediascope kažuć, što dola hledačoŭ šou «Ekstrasensy. Bitva najmacniejšych» u pieršym paŭhodździ vyrasła da 17,4% (hledačy va ŭzroście 14-44 hadoŭ). U 2022, 2021 i 2020 hadach pakazčyki trymalisia na ŭzroŭni 13,2%, 14,5% i 13,1% adpaviedna. Pavodle słoŭ hienpradziusara telekanała Arkadzia Vodachava, TNT pavialičyŭ vytvorčaść mistyčnych prajektaŭ.
Na TB-3 (śpiecyjalizujecca na sieryjałach, mastackich i dakumientalnych filmach pieravažna mistyčnaha charaktaru) adznačajuć, što fłahmanskija prajekty kanała — sieryjały «Ślapaja» abo «Varažbitka» — ciapier znachodziacca «na piku zapatrabavanaści».
Adnym z samych paśpiachovych prajektaŭ nazyvajuć taksama astrałahičnaje šou «Dobryja naviny z Vasilisaj Vałodzinaj», premjera jakoha adbyłasia ŭ lipieni.
Jašče na pačatku 2022 hoda ŭ Rasii rezka vyraśli prodažy knih pra pradkazańniach, duchoŭnych praktykach, uśviadomlenaści i pazityŭnym myśleńni. Tady ekśpierty nazyvali pryčynaj usplosku cikavaści da takoj litaratury niestabilnaść, jakaja ŭźnikła va ŭmovach pandemii i paskoranaj ličbavizacyi. Sioleta taksama vyras popyt na mistyčnyja kursy siarod rasijcaŭ, adznačali płatformy anłajn-adukacyi.
Kamientary
Dažie po BT nie słyšał pro tołpy stražduŝich posmotrieť bitsu jekstrasieksov....
Možiet pravilnieje było by napisať, čto tielekanały načali hłušiť mistikoj novosti.....