U Iranie čynoŭnik, adkazny za isłamskija kaštoŭnaści, byŭ zaśpiety za seksam ź inšym mužčynam
Adpaviednaje videa raspaŭsiudzili iranskija apazicyjnyja miedyja. Iranskija ŭłady adrazu ž zaklikali «nie razhojdvać łodku», ale čynoŭnika źniali z pasady.
U Iranie adbyŭsia seks-skandał: miascovy čynoŭnik i pa sumiaščalnictvie zaŭziaty prychilnik kansiervatyŭna-isłamskich kaštoŭnaściaŭ zaniaŭsia seksam z mužčynam, a sam praces trapiŭ na videa. Jano adrazu ž raźlaciełasia ŭ sietcy, ale ŭłady Irana zaklikali «nie rabić paśpiešnych vysnoŭ».
Pra heta 29 lipienia napisała Ruskaja słužba Bi-bi-si.
Čynoŭnik pa imieni Reza Cahaci da niadaŭniaha času ŭznačalvaŭ Departamient isłamskaj kultury ŭ pravincyi Hilan, što kala Azierbajdžana. Aproč taho, jon byŭ zasnavalnikam kulturnaha centra, jaki prapahandavaŭ nabožnaść i strohija normy našeńnia chidžaba.
«Niahledziačy na toje, što asoby ludziej na tym videa jašče kančatkova nie paćvierdžany, ułady Irana ŭžo źniali Cahaci ź jaho pasady i raspačali ŭ dačynieńni da jaho pravierku», — piša Ruskaja słužba Bi-bi-si.
U dadatak da hetaha kiraŭnictva Irana zaklikała nie vykarystoŭvać videa «dla razbureńnia słaŭnaha kulturnaha frontu isłamskaj revalucyi».
Nahadajem, što ŭ Iranie mužałožstva ličycca adnym z samych ciažkich złačynstvaŭ, jakoje moža karacca śmierciu. Hety fakt dadaje jašče bolš cikavaści da vypadku z čynoŭnikam, bo jon byŭ prosta źniaty sa svajoj pasady, a jaho dziejańni na videa byli aficyjna nazvanyja ŭładami ŭsiaho tolki «pravinaj».
Łukašenka zajaviŭ, što ŭ Biełarusi jość hiei na samych vysokich uzroŭniach i jany «załatyja ludzi»
Zialenski źviarnuŭsia da naroda Irana praz «Šachiedy»: Dla čaho vam cyničnyja zabojstvy?
Błohiera-miljońnika Dzim Dzimyča, jakoha abvinavacili ŭ prapahandzie ŁHBT, prymusili apraŭdvacca na strymie ŭ Azaronka
Stała viadoma pra zatrymańnie 77-hadovaha Vasila Hustyra, adnaho z najlepšych ahraryjaŭ Biełarusi4
Kamientary