Na fakultecie mižnarodnych adnosin Biełaruskaha dziaržaŭnaha univiersiteta 1 śniežnia pačaŭ pracu Centr karejaznaŭstva.
Jak paviedamiŭ na adkryćci centra pasoł Respubliki Kareja ŭ Biełarusi Li Jen Su, centr budzie zajmacca vyvučeńniem karejskaj movy, historyi, kultury i tradycyj Karei. «Dumaju, što stvareńnie ŭ BDU Centra karejaznaŭstva, dzie studenty i prosta biełaruskija hramadzianie zmohuć znajści infarmacyju, što ich cikavić, papoŭnić svaje viedy ab Karei, a taksama lepš zrazumieć Kareju, maje vielizarnaje značeńnie dla dalejšaha raźvićcia dvuchbakovych adnosin», — skazaŭ dypłamat. Jon padkreśliŭ, što budzie prykładvać usie namahańni, kab centr uvieś čas raźvivaŭsia i ŭ im papaŭniaŭsia knižny fond, abnaŭlałasia ekspazicyja.
Centr maje fond navukovaj i vučebnaj litaratury na karejskaj movie, jon abstalavany sučasnaj kampjuternaj technikaj, asnaščany aŭdyjo‑ i videamateryjałami moŭnaha i krainaznaŭčaha charaktaru. Na bazie centra płanujecca pravodzić sustrečy z karejskaj intelihiencyjaj, sieminary roznaha profilu, kanfierencyi, kruhłyja stały i inšyja mierapryjemstvy.
Jak adznačyŭ zahadčyk kafiedry mižnarodnych adnosin BDU Alaksandr Hardziej, heta druhi paśla kitajskaha centr, jaki pracuje na bazie VNU. Pavodle jaho słoŭ, u budučyni płanujecca adkryć jašče niekalki takich centraŭ.
Pavodle infarmacyi pres‑słužby VNU,
BDU — adzinaja navučalnaja ŭstanova ŭ Biełarusi, dzie z 1999 hoda vyvučajecca karejskaja mova.
Na bazie univiersiteta padrychtavana kala 10 śpiecyjalistaŭ pa śpiecyjalizacyi linhvakrainaznaŭstva. Zaraz bolš čym dvaccać studentaŭ fakulteta mižnarodnych adnosin vyvučajuć movu i kulturu Karei.
Ciapier čytajuć
Biełaruskaja i rasijskaja armii na biełaruskaj terytoryi trenirujucca nanosić jadzierny ŭdar8
Kamientary