Biełaruś vypała ź pieršaj dziasiatki najvažniejšych rynkaŭ kampanii Asbis
Rasija i Biełaruś upieršyniu za 33-hadovuju historyju biznesu nie ŭvajšli ŭ top-10 paŭhadavoha rejtynhu najvažniejšych rynkaŭ IT-dystrybjutara Asbis, stvoranaha biełarusam Siarhiejem Kaścievičam, paviedamlaje Office Life.
Zamiest Rasii i Biełarusi, pastaŭki ŭ jakija prypynienyja z pačatkam vajennych dziejańniaŭ va Ukrainie, staŭka kampanijaj zroblena na krainy Centralnaj Azii, Paŭdniovaha Kaŭkaza, Afryki, a taksama na aktyvizacyju ŭ Zachodniaj Jeŭropie.
U II kvartale biahučaha hoda Asbis zarehistravała daččynyja kampanii ŭ Armienii, Hruzii, Azierbajdžanie, Małdovie, Maroka i inšych krainach. Hiermanija stała druhim paśla Ukrainy rynkam pa pryroście prodažaŭ.
Pavodle spravazdačy Asbis, pa vynikach studzienia-červienia 2023-ha jaje vyručka vyrasła na 15,3% (da 1,396 młrd dalaraŭ), a čysty prybytak — na 5,6% (da 28,6 młn dalaraŭ). Najbujniejšym rynkam zbytu Asbis zastajecca Kazachstan z sukupnym abjomam prodažaŭ 321, 9 młn dalaraŭ, druhim u razhladany pieryjad była Ukraina z 187,1 młn dalaraŭ.
U trojku praduktaŭ, jakija hienierujuć asnoŭnyja abjomy vyručki, uvachodziać smartfony, pracesary i noŭtbuki.
Biełaruska ŭładkavałasia ŭ kandytarskuju kramu. Ale vyśvietliłasia, što za naviedvańnie tualeta joj treba płacić1
Kamientary