U Šviejcaryi złodziei padnialisia na vyšyniu ŭ 2 kiłamietry, kab abčyścić zvyčajnuju skryniu z achviaravańniami
Kradziažy vyjšli na absalutna novy ŭzrovień: złačyncy pieraadoleli adzin z samych składanych alpinisckich maršrutaŭ krainy. Ale ŭznaharoda akazałasia zusim nie adpaviednaj takim namahańniam.
U Šviejcaryi nieviadomyja zaleźli na vielmi vysokuju i niebiaśpiečnuju haru, kab prosta abkraści tam skryniu dla achviaravańniaŭ. Pra heta dniami napisała ahienctva Bi-bi-si.
Zładziei prajšli praź ciaśniny i hory, padnialisia na vyšyniu 2350 mietraŭ tolki dla taho, kab skraści 520 jeŭra achviaravańniaŭ, jakija naležać miascovamu alpinisckamu kłubu. Kłub hety znachodzicca na pieravale Hiemi nad vioskaj Łojkierbard i padtrymlivaje samy doŭhi ŭ Šviejcaryi maršrut skałałažańnia.
Bolš za ŭsio ździŭlaje toj fakt, što hetaja skrynia dla achviaravańniaŭ dasiažnaja tolki samym daśviedčanym prafiesijanałam-alpinistam. Maršrut, na jakim znachodziłasia skrynia, kłasifikujecca jak maršrut piataha ŭzroŭniu: jon vielmi składany i ŭklučaje ŭ siabie śmiarotna niebiaśpiečnaje ŭzychodžańnie, a taksama ŭzdym pa leśvicach, zamacavanych nitami ŭ stromaj skale, i prachodžańnie ciaśnin pa vuzkich stalovych trasach.
«Tyja, chto vyjaviŭ kradziež, ličać, što złačynstva było staranna spłanavanaje jašče zahadzia. Vidavočna, što złačyncy byli nie tolki vydatnymi alpinistami, ale i mieli z saboj instrumienty dla taho, kab raźbić skryniu. Jany raźbili skryniu, zabrali adtul 520 jeŭra, a potym, chutčej za ŭsio, praciahnuli svajo ŭzychodžańnie z hrašyma na viaršyniu hary Daŭbienchorn, što na vyšyni 2941 mietr», — raspaviało Bi-bi-si.
Jak adznačaje ahienctva, vyśvietlić tych, chto skraŭ hrošy, budzie ciažka, bo ŭ tyja dni było dobraje nadvorje i praz heta miesca prachodziła vielmi šmat alpinistaŭ.
Na hety momant alpiniscki kłub spadziajecca, što toj, chto skraŭ hrošy, budzie pakutavać ad zhryzot sumleńnia i spakojna viernie ich. Adnak ludzi nie zastalisia abyjakavymi da kradziažu i sami pačali pieraličvać na rachunak paciarpiełaha kłuba hrošy. Naprykład, adzin miascovy dabračyniec dasłaŭ 500 jeŭra naŭzamien skradzienych achviaravańniaŭ.
Čytajcie jašče:
U Pieru złodziei abrabavali kramu abutku, ale pry hetym mocna spudłavali
Eks-kandydatku ŭ prezidenty Taćcianu Karatkievič pasadzili na 15 sutak16
Eks-kandydatku ŭ prezidenty Taćcianu Karatkievič pasadzili na 15 sutak
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary