Karcinka: uefa.com
Vyznačylisia ŭsie ŭdzielniki hrupavoha raŭnda Lihi čempijonaŭ. Da tureckaha «Hałatasaraja», partuhalskaj «Brahi» i šviejcarskaha «Janh Bojza», što zavajavali pucioŭki praz kvalifikacyju ŭ aŭtorak, siońnia nočču dałučylisia dacki «Kapienhahien», niderłandski PSV i bielhijski «Antvierpien».
26 kamandaŭ zabraniravała sabie miesca ŭ hrupavym raŭndzie zahadzia.
Losavańnie hrupavoj stadyi projdzie siońnia ŭ Manaka i pačniecca ŭ 19:00 pa minskim časie.
Papiarednie kłuby raźmierkavanyja na čatyry košyki. Heta značyć, što kožnamu kłubu trapicca pa kamandzie ź inšaha košyka.
Košyk 1: «Mančester Sici», «Sievilja», «Barsiełona», «Napali», «Bavaryja», PSŽ, «Bienfika», «Fiejenard».
Košyk 2: «Reał», «Mančester Junajted», «Inter», «Barusija» Dortmund, «Atletyka», «Lajpcyh», «Portu», «Arsienał».
Košyk 3: «Šachcior», «Zalcburh», «Miłan», «Braha», PSV, «Łacya», «Crviena Źviezda», «Kapienhahien».
Košyk 4: «Janh Bojz», «Reał Saśjedad», «Hałatasaraj», «Siełtyk», «Ńjukasł», «Unijon», «Antvierpien», «Łans».
Pieršyja matčy projduć 19-20 vieraśnia.
Darečy, heta apošni siezon hrupavoha raŭnda Lihi čempijonaŭ u takim farmacie. U nastupnym siezonie kolkaść kamandaŭ na hrupavoj stadyi budzie pavialičana da 36, jany buduć hulać pa vosiem matčaŭ i budzie ahulnaja tablica, h. zn. šviejcarskaja sistema.
Nahadajem, što BATE startavaŭ u pieršaj stadyi kvalifikacyi Lihi čempijonaŭ, paśpiachova prajšoŭ ałbanski «Partyzani», u druhoj stadyi prajhraŭ kiprskamu «Arysu» i vybyŭ u kvalifikacyju Lihi Jeŭropy, adkul taksama vylecieŭ, prajhraŭšy małdaŭskamu «Šeryfu».
Ciapier BATE hulaje ŭ płej-of kvalifikacyi Lihi kanfierencyj suprać kosaŭskaha «Bałkani». Pieršy matč u Kosavie biełaruski kłub prajhraŭ 1:4. Siońnia matč u adkaz, jaki projdzie na niejtralnym poli ŭ Vienhryi.
Čytajcie taksama:
Sprava ab pacałunku. FIFA choča adchilić Rubialesa ad futboła na 15 hadoŭ
