Вызначыліся ўсе ўдзельнікі групавога раўнда футбольнай Лігі чэмпіёнаў
Лёсаванне групавой стадыі пройдзе сёння ў Манака.
Вызначыліся ўсе ўдзельнікі групавога раўнда Лігі чэмпіёнаў. Да турэцкага «Галатасарая», партугальскай «Брагі» і швейцарскага «Янг Бойза», што заваявалі пуцёўкі праз кваліфікацыю ў аўторак, сёння ноччу далучыліся дацкі «Капенгаген», нідэрландскі ПСВ і бельгійскі «Антверпен».
26 камандаў забраніравала сабе месца ў групавым раўндзе загадзя.
Лёсаванне групавой стадыі пройдзе сёння ў Манака і пачнецца ў 19:00 па мінскім часе.
Папярэдне клубы размеркаваныя на чатыры кошыкі. Гэта значыць, што кожнаму клубу трапіцца па камандзе з іншага кошыка.
Кошык 1: «Манчэстэр Сіці», «Севілья», «Барселона», «Напалі», «Баварыя», ПСЖ, «Бенфіка», «Феенард».
Кошык 2: «Рэал», «Манчэстэр Юнайтэд», «Інтэр», «Барусія» Дортмунд, «Атлетыка», «Ляйпцыг», «Порту», «Арсенал».
Кошык 3: «Шахцёр», «Зальцбург», «Мілан», «Брага», ПСВ, «Лацыа», «Црвена Звезда», «Капенгаген».
Кошык 4: «Янг Бойз», «Рэал Сасьедад», «Галатасарай», «Селтык», «Ньюкасл», «Уніён», «Антверпен», «Ланс».
Першыя матчы пройдуць 19-20 верасня.
Дарэчы, гэта апошні сезон групавога раўнда Лігі чэмпіёнаў у такім фармаце. У наступным сезоне колькасць камандаў на групавой стадыі будзе павялічана да 36, яны будуць гуляць па восем матчаў і будзе агульная табліца, г. зн. швейцарская сістэма.
Нагадаем, што БАТЭ стартаваў у першай стадыі кваліфікацыі Лігі чэмпіёнаў, паспяхова прайшоў албанскі «Партызані», у другой стадыі прайграў кіпрскаму «Арысу» і выбыў у кваліфікацыю Лігі Еўропы, адкуль таксама вылецеў, прайграўшы малдаўскаму «Шэрыфу».
Цяпер БАТЭ гуляе ў плэй-оф кваліфікацыі Лігі канферэнцый супраць косаўскага «Балкані». Першы матч у Косаве беларускі клуб прайграў 1:4. Сёння матч у адказ, які пройдзе на нейтральным полі ў Венгрыі.
Беларусу і расіянам з казахстанскага футбольнага клуба дазволяць наведаць Чэхію. Пытанне вырашалася на ўрадавым узроўні
Справа аб пацалунку. ФІФА хоча адхіліць Рубіалеса ад футбола на 15 гадоў
БАТЭ прапусціў чатыры мячы ад косаўскага «Балкані»
Названы гульцы зборнай на матчы з Андорай і Ізраілем. Ёсць нават беларус з чэмпіянату Іспаніі. Але не спяшайцеся радавацца
«Беларускі футбол амаль не гляджу». Экс-трэнер нацыянальнай зборнай амаль два месяцы адпачывае ў Балгарыі
Каментары