Ł. Vałensa: Hiunter Hras pavinien admovicca ad zvańnia hanarovaha hramadzianina Hdańska
Eks-prezydent Polščy Lech Vałensa zajaviŭ, što niamiecki piśmieńnik Hiunter Hras pavinien admovicca ad zvańnia hanarovaha hramadzianina Hdańska.
Eks-prezydent Polščy Lech Vałensa zajaviŭ, što niamiecki piśmieńnik Hiunter Hras pavinien admovicca ad zvańnia hanarovaha hramadzianina Hdańska, pakolki pryznaŭsia, što słužyŭ u vojskach SS. Laŭreat Nobeleŭskaj premii ŭ subotu ździviŭ Niamieččynu, zajaviŭšy, što słužyŭ u nacysckich elitnych farmavańniach.
Hras naradziŭsia ŭ polska-niamieckaj siamji ŭ Hdańsku ŭ 1927 h., kali horad ličyŭsia Volnym horadam (Dancyh). U Hdańsku naradziŭsia i znakamity ruch «Salidarnaść», jaki ŭ mnohim pradvyznačyŭ padzieńnie kamunistyčnaha režymu ŭ Polščy i zrabiŭ Vałensu, svajho lidera, prezydentam
«Najlepšaje, što jon (Hras) ciapier moža zrabić – admovicca ad zvańnia hanarovaha hramadzianina, – skazaŭ Vałensa ŭ interviju niamieckaj hazecie «Bild». – Sytuacyja vielmi niazručnaja. Ja b pačuvaŭsia b niajomka ŭ takoj kampanii (Vałensa – hanarovy hramadzianin Hdańska i nobeleŭski laŭreat miru)». Kali b było viadoma, što jon słužyŭ u SS, jon nikoli b nie atrymaŭ hetaha zvańnia».
Hiunter Hras, pacyfist levych pohladaŭ, u samym viadomy svaim ramanie «Blašany baraban» (1959 h.) daŭ satyryčnuju panaramu Hdańska i Niamieččyny pieršaj pałovy XX st.
Raman – antyfašyscki, tamu šokam dla niemcaŭ stała interviju H. Hrasa, jakoje jon daŭ hazecie "Frankfurter alhiemajne cajtunh", dzie raspavioŭ, što ŭ vieku 17 hadoŭ jaho pryzvali na słužbu ŭ tankavuju dyvizii SS u Drezdenie.
Raniej było viadoma, što jon słužyŭ šarahoŭcam, byŭ paranieny i ŭziaty ŭ pałon amerykancami.
Kamientary