Žerar Depardjo pradaŭ skulpturu ŭradženca Biełarusi — pradstaŭnika Paryžskaj škoły
Akcior vystaviŭ na tarhi kala 250 karcin i skulptur sa svajoj kalekcyi. Ahulnaja suma vyručki skłała 4,2 miljona jeŭra. Siarod pradadzienych rabot — statuetka Vosipa Cadkina «Žančyna, jakaja staić na kaleniach», paviedamlaje «Lusterka» sa spasyłkaj na BMFTV.
Pieršapačatkova statuetka biełaruskaha majstra aceńvałasia ŭ sumu ad 50 da 80 tysiač jeŭra. Za čas tarhoŭ jaje košt vyras amal da 105 tysiač jeŭra.
U aŭkcyjonie pa prodažy rabot z kalekcyi Depardjo ŭdzielničali niekalki sotniaŭ kalekcyjanieraŭ i pryvatnych asob. Pradadziena 95% łotaŭ. Siarod ich tvory Chansa Chartunha, Aliŭje Debre, Ežena Lerua i Hiercharda Šnajdera. Tryccać tvoraŭ Ežena Lerua pradadzienyja za 770 tysiač jeŭra, a 19 čarnilnych eskizaŭ Anry Miko — za 308 tysiač jeŭra.
Vosip Alaksiejevič Cadkin naradziŭsia 14 lipienia 1890 hoda ŭ Viciebsku. Skončyŭšy vučylišča, jon pierajechaŭ spačatku ŭ Łondan, a zatym — u Paryž.
Niekatoryja skulptury Cadkina zachoŭvajucca ŭ karparatyŭnaj kalekcyi Biełhazprambanka ŭ Minsku.
U Minsku źjaviłasia novaja skulptura ŭradženca Biełarusi Vosipa Cadkina
Jak vyhladaje halereja «Art-Biełaruś» biez karcin Sucina, Cadkina, Alaškieviča
Čatyry karciny Marka Šahała pradali na aŭkcyjonie ŭ Ciurychu
Unučki Marka Šahała padaryli Viciebsku 60 knih ź biblijateki mastaka
Šahał, Sucin, Bakst… Što zrabić, kab śviet pačaŭ ich ličyć vychadcami ź Biełarusi?
«My byli družnyja z Ejsmantam». Viadučy Aleh Citkoŭ addaŭ BT amal 20 hadoŭ, ale zvolniŭsia paśla vybaraŭ — pahutaryli ź im8
Kamientary