Eks-kiraŭnik «Achovy ptušak Baćkaŭščyny» Viktar Fiančuk — na voli
Jon adsiedzieŭ dva z pałovaj hady pa «narodnym artykule».
Viktar — prafiesijny arnitołah, kaardynatar prahram Frankfurckaj zaałahičnaj supolnaści i arhanizacyi «Achova ptušak Baćkaŭščyny». Uznačalvaŭ apošniuju z 2007 pa 2014 hod, zatym byŭ jaje supracoŭnikam. Jaho nazyvajuć «advakatam dzikaj pryrody».
Palitźniavolenaha asudzili da 2,5 hoda kałonii pa č. 1 art. 342 KK (aktyŭny ŭdzieł u dziejańniach, jakija hruba parušajuć hramadski paradak).
Zhodna z materyjałami spravy, «jon błakavaŭ ruch transpartu na prajeznaj častcy i vykrykvaŭ roznyja łozunhi. Padčas rasśledavańnia vyjaŭlena jašče piać anałahičnych epizodaŭ, ździejśnienych im».
Fiančuk adbyvaŭ termin u mahiloŭskaj kałonii № 15.
Pa infarmacyi «Jeŭraradyjo», Viktar całkam adbyŭ termin i vyjšaŭ na volu.
Kamientary