Hramadstva11

«Zdaroŭje lepšym nie stanovicca: zrok, słych, pačali čaplacca prastudy». Jakija naviny z kałonii ad žurnalistki Kaciaryny Andrejevaj

Palitźniavolenaja Kaciaryna Andrejeva ŭ Homielskaj kałonii pracuje švačkaj. Naviny pra žurnalistku daviedałasia «Radyjo Svaboda».

Kaciaryna Andrejeva padčas suda ŭ Minsku ŭ lutym 2021 hoda. Fota: «Naša Niva»

Praź miesiac budzie try hady, jak u Minsku padčas aśviatleńnia pratesnaj akcyi aryštavali žurnalistku Kaciarynu Andrejevu, jakuju potym dvojčy asudzili.

Spačatku Kaciarynie prysudzili dva hady źniavoleńnia va ŭmovach ahulnaha režymu, a potym jašče vosiem hadoŭ nibyta za zdradu dziaržavie. Kaciaryna Andrejeva adbyvaje pakarańnie ŭ Homielskaj žanočaj kałonii. Pra jaje raskazała krynica, jakaja kantaktuje sa svajakami palitźniavolenaj.

«Alerhija abvastryłasia»

Svajakoŭ najpierš niepakoić zdaroŭje Kaciaryny Andrejevaj, na dolu jakoj u maładym vieku vypali ciažkija vyprabavańni.

«Zdaroŭje, viadoma, lepšym nie stanovicca: zrok, słych, ahulnaje asłableńnie imunitetu. Praz heta apošnim časam stali časta čaplacca drobnyja prastudy, i alerhija abvastryłasia, prystupy stali čaściejšymi», — raskazała pra stan zdaroŭja Kaciaryny Andrejevaj daśviedčanaja krynica.

Andrejeva pracuje ŭ kałonii švačkaj, niadaŭna padvysiła kvalifikacyju — atrymała 4-ty razrad. Pracavać musić napružana.

«Jany šyjuć formu roznym ustanovam. Pa čarzie ŭ dźvie źmieny: tydzień u pieršuju, ranišniuju, nastupny tydzień u druhuju, viečarovuju. Nie kazała, u jakuju źmienu joj lepš. Naturalna, što stamlajecca, jak usie jaje kalehi».

Na listavańnie i telefonnyja zvanki Kaciaryna Andrejeva nie skardzicca. Pavodle krynicy, jana try razy na miesiac moža zvanić svajakam, a čaćviorty zvanok — videa praz skajp.

«Vyhladaje jana dobra. Zaŭsiody pryhožaja, akuratna apranutaja. Viadoma, padčas videazvankoŭ bačna, što jana schudnieła, dyj sama pryznaje, što stamiłasia. Ale vialikich skarhaŭ niama — trymajecca».

«Rehularna pakazvajuć prapahandysckija filmy BT»

U volny čas, jakoha ŭ kałonii mała dla tych, chto pracuje, Kaciaryna Andrejeva čytaje.

«Z apošniaha pračytanaha vielmi spadabaŭsia raman brytanskaj piśmieńnicy Kiejt Atkinsan «Žyćcio paśla žyćcia». Kaža, što padobnyja knihi dapamahajuć joj adpačyć, sabracca z dumkami, pamaryć pra lepšuju budučyniu. Ale tam i na hetaje čytańnie nie chapaje času. Im rehularna pakazvajuć novyja prapahandysckija filmy, što štampuje BT. Admysłova źbirajuć, kab usie pahladzieli», — raskazała krynica.

Źniavoleńnie Kaciaryny Andrejevaj, pavodle jaje dakumientaŭ, maje skončycca ŭ žniŭni 2028 hoda.

«Ale jana vielmi spadziajecca, što vyjdzie na svabodu raniej. Jaje nastroj taki: ścisnuć zuby, zachavać siabie i ŭsio-tki dačakacca hetaha momantu», — pieradajuć słovy žurnalistki jaje svajaki.

Kamientary1

  • Alek. Ru
    06.10.2023
    Hrech tak dumać, kajusia, ale maru pra toje, kab u takich umovach apynulisia Siałuk,Abielskaja dy inšyja samki z łukatabaru. Kab spraviadlivaść pieramahła, narešcie.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Jak za hod źmianiłasia kolkaść biełarusaŭ u Litvie. Ličby ŭražvajuć16

Jak za hod źmianiłasia kolkaść biełarusaŭ u Litvie. Ličby ŭražvajuć

Usie naviny →
Usie naviny

Suprać Biełarusi taryfy Trampa nie ŭviedzienyja7

Łatuška: Muž Mielnikavaj pakinuŭ Polšču 3 sakavika16

«Raźličvać niama na što». Administracyja Trampa zamaroziła finansavańnie stypiendyj, pa jakich vučacca ŭ tym liku i biełarusy9

«Dzień vyzvaleńnia Amieryki». Donald Tramp abviaściŭ usiamu śvietu handlovuju vajnu27

«Baču pomstu za maju pracu». Volha Siamaška adreahavała na rasśledavańnie «NN» 51

Pasoł Rasii apałčyŭsia na palitemihrantaŭ za «paŭzučuju pałanizacyju» Biełarusi26

Suŭładalnika «Varhiejminha» Mikałaja Kacałapava abvinavačvajuć u danatach apazicyjnym strukturam na sotni tysiač dalaraŭ12

Ci sapraŭdy delehaty KR admovilisia prachodzić palihraf? Kraŭcoŭ adkazvaje Žyharu30

U Mjanmie z-za ziemlatrusu navat na miesiac spyniajuć hramadzianskuju vajnu2

bolš čytanych navin
bolš łajkanych navin

Jak za hod źmianiłasia kolkaść biełarusaŭ u Litvie. Ličby ŭražvajuć16

Jak za hod źmianiłasia kolkaść biełarusaŭ u Litvie. Ličby ŭražvajuć

Hałoŭnaje
Usie naviny →

Zaŭvaha:

 

 

 

 

Zakryć Paviedamić