21 śniežnia, u paniadziełak, maładych bieraściejcaŭ čakaje cudoŭnaje fiejeryčnaje šoŭ — z nahody svajho 10‑hodździa «Dziedzič» ładzić studenckuju viečarynu ŭ biełaruskim styli «Dziedzič‑PARTY».
Tolki nie čakajcie tam nacyjanalnych strojaŭ i falkłornych piesień. Dziedzič adkryvaje bieraściejcam sučasnuju biełaruskuju muzyku roznych stylaŭ ad roka da papsy. Biełaruskija teksty, aranžyroŭki i navat biełaruskamoŭny dydžej čakajuć tych, chto pryjdzie na Dziedzič‑Party.
Akramia dyskateki ŭ prahramie viečaryny taksama zabaŭlalnyja konkursy z pryzami, jakija prymusiać vas śmiajacca da śloz, fiejeryčnaje nieon‑šoŭ ad TEATR‑ŠOŬ «BLISKAVICA», a dla žadajučych majstar‑kłas pa tradycyjnych i staražytnych biełaruskich tancach.
Dziedzič‑Party pačniecca ŭ adnym z kłubaŭ Bieraścia ŭ 19‑00, a zakončycca tady, kali vyrašać sami udzielniki (i tam, dzie jany zachočuć :) )
Hetaj viečarynaj my chočam pakazać maładym bieraściejcam, što možna dobra adpačyvać i tancujučy pad pieśni vykanaŭcaŭ, jakija śpiavajuć pa‑biełarusku. Dy i toje, što biełaruskaja mova žyvie i hučyć nie tolki z vusnaŭ viadučych radyjokropki, a i z vusnaŭ dydžejaŭ dy tvaich adnahodkaŭ.
Kvitok kaštuje ŭsiaho 6.000 rubloŭ. Nabyć jaho, a taksama atrymać bolš padrabiaznuju infarmacyju možna pa telefonie (029) 227‑52‑12.
Bolš padrabiaznaja infarmacyja na sajcie: http://dzedzich.org
Sustreča U KANTAKCIE: http://vkontakte.ru/event13831114. Zaprašajcie siabroŭ!
Biełaruski farmat naš vybar!
Sustreniemsia!
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary