21 снежня, у панядзелак, маладых берасцейцаў чакае цудоўнае феерычнае шоў — з нагоды свайго 10‑годдзя «Дзедзіч» ладзіць студэнцкую вечарыну ў беларускім стылі «Дзедзіч‑PARTY».
Толькі не чакайце там нацыянальных строяў і фальклорных песень. Дзедзіч адкрывае берасцейцам сучасную беларускую музыку розных стыляў ад рока да папсы. Беларускія тэксты, аранжыроўкі і нават беларускамоўны дыджэй чакаюць тых, хто прыйдзе на Дзедзіч‑Party.
Акрамя дыскатэкі ў праграме вечарыны таксама забаўляльныя конкурсы з прызамі, якія прымусяць вас смяяцца да слёз, феерычнае неон‑шоў ад ТЭАТР‑ШОЎ «БЛІСКАВІЦА», а для жадаючых майстар‑клас па традыцыйных і старажытных беларускіх танцах.
Дзедзіч‑Party пачнецца ў адным з клубаў Берасця ў 19‑00, а закончыцца тады, калі вырашаць самі удзельнікі (і там, дзе яны захочуць :) )
Гэтай вечарынай мы хочам паказаць маладым берасцейцам, што можна добра адпачываць і танцуючы пад песні выканаўцаў, якія спяваюць па‑беларуску. Ды і тое, што беларуская мова жыве і гучыць не толькі з вуснаў вядучых радыёкропкі, а і з вуснаў дыджэяў ды тваіх аднагодкаў.
Квіток каштуе ўсяго 6.000 рублёў. Набыць яго, а таксама атрымаць больш падрабязную інфармацыю можна па тэлефоне (029) 227‑52‑12.
Больш падрабязная інфармацыя на сайце: http://dzedzich.org
Сустрэча У КАНТАКЦЕ: http://vkontakte.ru/event13831114. Запрашайце сяброў!
Беларускі фармат наш выбар!
Сустрэнемся!
Каментары