Telehram-kanały paviedamlajuć pra naniasieńnie Uzbrojenymi siłami Ukrainy ŭdaru pa kamandnym punkcie rasijskaj hrupoŭki «Dniapro», jaki na hetym tydni ŭznačaliŭ novy kamandujučy — hienierał-pałkoŭnik Michaił Ciaplinski.
Pavodle infarmacyi kanała VČK-OHPU, jak minimum adzin vajskoviec pry hetym zahinuŭ i niekalki atrymali ciažkija ranieńni. Rajon naniasieńnia ŭdaru ačepleny, dadziena kamanda ab niedapuščeńni raspaŭsiudžvańnia infarmacyi ab fakcie traplańnia.
Adnačasova z hetym infarmavany rasijski vajenkar «Rybaŕ» pryznaŭ, što try rakiety prylacieli ŭ siało Strałkovaje na Arabackaj strełcy, ale, maŭlaŭ, ludzi toj budynak paśpieli zahadzia pakinuć.
«Jašče adna rakieta, papiarednie, była padbitaja nad samim siałom. Adnak try rakiety pryjšlisia pa adnym z abjektaŭ u Strałkovym. Uličvajučy pamier bajavoj častki Storm Shadow, budynku, napeŭna, naniesienyja vielizarnyja straty, ale ludzi, jakija znachodzilisia tam, viedali pra niebiaśpieku i pakinuli miesca», — piša «Rybaŕ».
Mahčyma, u abodvuch paviedamleńniach majecca na ŭvazie adzin i toj ža vypadak.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary