Siońnia z pieratrusami pryjšli da pradstaŭnikoŭ Narodnaha antykryzisnaha ŭpraŭleńnia i Kaardynacyjnaj rady. Prychodzili z vobšukam i da Paŭła Łatuški. Palityk prakamientavaŭ «Našaj Nivie», z čym źviazvaje hetyja padziei.
Na dumku Łatuški, cikavaść da jaho asoby i inšych čalcoŭ NAU źviazanaja ź ich aktyŭnaj dziejnaściu na mižnarodnaj arenie.
«Naša dziejnaść nakiravanaja na toje, kab pryciahnuć režym Łukašenki i jaho pradstaŭnikoŭ da kryminalnaj adkaznaści, jak za złačynstvy suprać čałaviečnaści suprać biełaruskaha naroda, tak i vajennyja złačynstvy, źviazanyja z niezakonnym vyvazam ukrainskich dziaciej», — kaža Łatuška.
Ź jaho słoŭ, jon razam z kamandaj praciahvaje rychtavać adpaviednyja materyjały, častka ź jakich užo pieradadziena ŭ mižnarodny kryminalny sud, hienieralnuju prakuraturu Ukrainy i ŭ pravaachoŭnyja orhany jeŭrapiejskich krain. Aproč hetych pytańniaŭ, u NAU aktyŭna zajmajucca pytańniami sankcyj.
«Ja dumaju, što hetyja dziejańni (pieratrusy. — NN) nakiravanyja na toje, kab dematyvavać našu dziejnaść. Ale heta nie paŭpłyvaje na našu metanakiravanaść u baraćbie za demakratyčnuju Biełaruś i za pryciahnieńnie da adkaznaści ŭsich vinavatych u złačynstvach», — padkreślivaje Pavieł Łatuška.
Palityk zhadaŭ, što raniej na adnoj z pres-kanfierencyj Łukašenka prapanavaŭ abmianiać jaho i čalcoŭ kamandy NAU na palitźniavolenaha žurnalista, pradstaŭnika polskaj mienšaści Andžeja Pačobuta.
Tady Pavieł Łatuška vystupiŭ z sustrečnaj prapanovaj.
«Ad svajho imia i ad imia mužčynskaj častki kamandy NAU: my zhodnyja na abmien.
Ale ŭ nas svaja prapanova: my hatovy pravieści abmien Paŭła Łatuški i mužčynskaj častki kamandy NAU na ŭsich palitźniavolenych Biełarusi», — adkazaŭ tady palityk na prapanovu ad Łukašenki.
Čytajcie taksama:
Pryjšli da Łatuški, Čałaha. Masavyja pieratrusy ŭ ludziej, źviazanych z Kaardynacyjnaj radaj apazicyi
Łatuška zajaviŭ pra hatoŭnaść na prapanavany Łukašenkam abmien. Ale z trochi źmienienymi ŭmovami
NAU pieradało ŭ Mižnarodny kryminalny sud dadatkovyja dakumienty, datyčnyja vyvazu ŭ Biełaruś ukrainskich dziaciej
Jaŭhien Dudkin patłumačyŭ, čamu staŭ sakretnym ahientam KDB5
Kamientary