Čaćviora palicejskich paciarpieli ŭ sutyčkach z zaŭziatarami varšaŭskaj «Lehii» pierad haściavym matčam apošniaj z «Astan Viłaj» z anhlijskaha Birminhiema. Pry hetym adzin palicejski atrymaŭ strasieńnie mozhu, kali ŭ jaho trapiła aśviatlalnaja rakieta, piša Bi-bi-si.
Birminhiemskaja palicyja paviedamiła, što 46 polskich fanataŭ byli aryštavanyja paśla vybuchu hvałtu. Biesparadki byli vyklikanyja tym, što pierad matčam «Astan Viły» z «Lehijaj» u Lizie kanfierencyj kala 1000 zaŭziataraŭ nie zmahli atrymać kvitki na matč, choć im nibyta heta było abiacana.
Palicyja adznačaje, što hvałt kala birminhiemskaha Viła-Parka byŭ samym strašnym z usich, jakija supracoŭniki bačyli tut na futbolnym matčy bolš čym za dva dziesiacihodździ.
Palicyja zajaviła, što hvałtoŭnyja dziejańni praciahvalisia 90 chvilin, i ŭsie aryštavanyja zastajucca pad vartaj. Fanaty haspadaroŭ u suviazi z hetymi padziejami nie zatrymlivalisia.
Ciapier «Astan Viła» padała na «Lehiju» skarhu va UEFA.
Pamiatajecie «paśpiachovuju miljanierku» Zareckuju? Vyhladaje, što jaje kampanija — usio16
Kamientary