Hramadstva1010

Rasijskuju žurnalistku, jakaja kinuła vyklik Pucinu, nie dapuścili da zboru podpisaŭ

«Pucin spałochaŭsia žančyny ŭvohule bieź viadomaha imia i historyi. Dziŭny bajaźliviec», — napisaŭ u svaim telehram-kanale Ivan Ždanaŭ, dyrektar Fondu baraćby z karupcyjaj.

Kaciaryna Duncova, fota «Ahienctva»

CVK Rasii nie dapuściŭ žurnalistku Kaciarynu Duncovu da prezidenckich vybaraŭ u 2024 hodzie, admoviŭšy ŭ rehistracyi inicyjatyŭnaj hrupy pa zbory podpisaŭ.

«Duncovu nie dapuścili da zboru podpisaŭ. Pucin spałochaŭsia žančyny ŭvohule bieź viadomaha imia i historyi. Dziŭny bajaźliviec», — napisaŭ u svaim telehram-kanale Ivan Ždanaŭ, dyrektar Fondu baraćby z karupcyjaj.

Žycharka Rževa Kaciaryna Duncova zajaviła pra svajo vyłučeńnie ŭ kandydaty ŭ prezidenty 16 listapada.

Jana skazała, što vystupaje za spynieńnie bajavych dziejańniaŭ, praviadzieńnie demakratyčnych reformaŭ i vyzvaleńnie palitviaźniaŭ.

Praź niekalki dzion Kaciarynie patelefanavali z prakuratury i zaprasili abmierkavać jaje publikacyju ab vyłučeńni. Paśla pachodu da palicejskich palityk paviedamiła, što ŭ jaje pytalisia ab vyłučeńni i jaje staŭleńni da bajavych dziejańniaŭ va Ukrainie.

Vyłučeńnie Duncovaj padtrymaŭ prajekt «Naš štab», stvorany hrupaj supracoŭnikaŭ prajekta «Kaŭčeh» u kastryčniku dla padtrymki antyvajennych kandydataŭ u prezidenty.

Kaciarynie 40 hadoŭ i ŭ jaje troje dziaciej. Pavodle jaje bijahrafii UKantakcie, jana z 2003 hoda pracuje ŭ ŚMI Rževa, z 2006 pa 2022 hady była hałoŭnym redaktaram miascovaj telestudyi «RiT». U 2019 hodzie abirałasia deputatam haradskoj dumy, dzie prapracavała da 2022-ha.

Dakumienty na ŭdzieł u pieravybarčaj kampanii ŭžo padali 16 čałaviek.

Pra svoj udzieł u vybarach zajavili Uładzimir Pucin, jaki kiruje Rasijaj užo 23 hady, kiraŭnik ŁDPR Leanid Słucki, hramadski dziejač Anatol Rabinovič, a taksama Ihar Hirkin-Strałkoŭ, jaki znachodzicca ŭ SIZA.

Prezidenckija vybary ŭ Rasii projduć 15—17 sakavika 2024 hoda.

Kamientary10

  • Andruś
    23.12.2023
    I znoŭ rasijcy chočuć skapipaścić abkatanuju na Biełarusi historyju - vyłučyć nikomu nieviadomuju žančynku, jakaja narobić šuchieru ŭ hramadstvie. Pryšpilna było b, kali b potym štaby Hirkina, Rabinoviča i Žyryka-2.0 abjadnalisia z hetaj ciotačkaj i skazali ŭsim, chto suprać pucina nasić biełyja branzalety. )) 
  • Da fijaletava...
    23.12.2023
    Treba aharadzicca ad hetaha verchała. Chaj choć na hałavie stajać, jostć svaja Świente Ziemia i treba dbać pra jaje. U Antarktydzie pinhvinichu jajki vysižyvać nie puskajuć, i što? moža snaradzić Makłucha-Makieja tudy pokul ź biełarusaŭ zrobiać absłužyvajučy piersanał dla Iŭlejevaj&C% a našych dziaciej buduć zaŭlakać prastytucyjaj zajmacca na Sadovym kalce
  • Uład
    23.12.2023
    Cikava, jaki "arhumient" abrała CVK RF, admaŭlajučy joj u rehistracyi? :)))
    A niachaj by jana jašče patarmosiła niervy hetaj bandzie! Naprykład, možna adnieści skarhu u Kanstytucyjny sud. 
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U dzień svajho 60-hodździa pamior prapahandyst Juryj Azaronak26

U dzień svajho 60-hodździa pamior prapahandyst Juryj Azaronak

Usie naviny →
Usie naviny

Propaviedź Z-baciuški i reabilitacyja Paŭlika Marozava. Jak u Śviata-Jelisaviecinskim manastyry vučać padletkaŭ patryjatyzmu6

Tramp usio ž uvodzić myty na tavary z Kanady, Mieksiki i Kitaja6

Adkidy biełaruskaha chimičnaha kambinata ŭtrymlivajuć kancentracyju redkaziomaŭ, supastaŭnuju z radoviščami va Ukrainie3

Pucin: Rasija pavinna vykarystoŭvać usie mahčymaści, kab pieraškodzić sprobam sarvać pieramovy z ZŠA21

Analityka Andreja Parotnikava pryhavaryli da 10 hod źniavoleńnia1

Tramp praciahnuŭ na hod sankcyi suprać Rasii7

U kulinaryi słonimskaha supiermarkieta zaŭvažyli myš, jakaja jeła pirožnaje prosta ŭ vitrynie VIDEA12

Paśla ŭviadzieńnia novych sankcyj ZŠA pastaŭki rasijskaj nafty ŭ Turcyju abvalilisia ŭ 4 razy

«Vatniki nie zdajucca». Bratoŭ Kananovičaŭ, jakich padtrymlivaje biełaruskaja prapahanda, užo try hady sudziać va Ukrainie1

bolš čytanych navin
bolš łajkanych navin

U dzień svajho 60-hodździa pamior prapahandyst Juryj Azaronak26

U dzień svajho 60-hodździa pamior prapahandyst Juryj Azaronak

Hałoŭnaje
Usie naviny →

Zaŭvaha:

 

 

 

 

Zakryć Paviedamić