Usie najbujniejšyja aeraporty śvietu adreahavali na sprobu teraktu na borcie samalota amierykanskaj avijakampanii ŭzmacnieńniem mieraŭ biaśpieki.
Usie najbujniejšyja aeraporty śvietu adreahavali na sprobu teraktu na borcie samalota amierykanskaj avijakampanii ŭzmacnieńniem mieraŭ biaśpieki.
Usich turbuje toj fakt, što złamyśnik zdoleŭ bieśpieraškodna pranieści na svaim ciele pad adzieńniem bombu ŭ samalot, i šmat chto zadumvajecca nad tym, kab uvieści bolš daskanałyja sistemy skanavańnia. A pakul u pieršuju čarhu ŭzmocnieny kantrol:
«Na ŭsie rejsy ŭ ZŠA budzie dadatkovaja pravierka pierad pasadkaj, ‑‑ kaža Džoni Miuler, načalnik słužby biaśpieki Kapienhahienskaha aeraporta. ‑‑ Heta jak by dadatkovy filtr, dźvie pravierki zamiest adnoj.
My budziem praviarać praktyčna ŭsio, budziem u litaralnym sensie słova macać usich pasažyraŭ, usie torby».
Takija zachady biaśpieki stvaryli vializnyja čerhi ŭ zonach dahladu i vyklikali zatrymki rejsaŭ. Ekśpierty nahadvajuć, što heta moža źnizić cikavaść da pavietranych padarožžaŭ. Adnak bolšaść pasažyraŭ, apytanych u aeraporcie Amsterdama, adkul uźniaŭsia na bort niaŭdały teraryst, uchvalili novaŭviadzieńni.
ZŠA zrabili bolš žorstkimi zachady biaśpieki na avijarejsach. U pryvatnaści, pasažyram budzie zabaroniena pieramiaščacca pa sałonie samalota ŭ apošniuju hadzinu palotu, a taksama trymać što‑niebudź u rukach abo na kaleniach. Bolš aktyŭna buduć vykarystoŭvać słužbovych sabak, źviernuć bolej uvahi na pracu psichołahaŭ, jakija śpiecyjalizujucca na vyjaŭleńni padazronych ludziej u natoŭpie.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada15
Kamientary