Pryładu zabojstva znajšła žančyna ŭ śniezie.
Znojdzieny nož, jakim, jak miarkujecca, była zabitaja kasir abmieńnika la minskaha ŭniviersama «Aŭtazavodski». Pra heta paviedamili ŭ Hienieralnaj prakuratury Biełarusi.
«Heta samarobny kuchonny nož z nabornaj ručkaj.
Jaho niadaŭna znajšła ŭ śniezie žančyna niepadalok ad miesca zabojstva», — paviedamili ŭ Hienprakuratury.
Jak raniej paviedamlałasia, kala ŭniviersama «Aŭtazavodski» (vuł. Varvašeni) viečaram 10 śniežnia 2009 hoda byŭ znojdzieny trup kasira abmiennaha punkta valuty 21‑hadovaj minčanki Taćciany Piatrovaj. Cieła dziaŭčyny z mnostvam kołata‑rezanych ranaŭ na šyi i ciele znajšoŭ kiroŭca‑inkasatar. Pa fakcie zabojstva zaviedziena kryminalnaja sprava pa č.2 art.139 «Zabojstva» KK Biełarusi.
U chodzie rasśledavańnia złačynstva byŭ prarobleny vialiki abjom pracy, prahledžanyja sotni hadzin videazapisaŭ z kamier nazirańnia. Ustanoŭlena, što złačynca prychodziŭ na praciahu niekalkich dzion da abmiennaha punktu, ahladajučy mahčymyja šlachi praniknieńnia i adychodu.
Na adnym z zapisaŭ bačna, što da jaho padyšoŭ i niekatory čas razmaŭlaŭ nieviadomy mužčyna.
Lubaja infarmacyja, navat niaznačnaja, moža pradstaŭlać vialikuju kaštoŭnaść dla śledstva, zaznačajuć u prakuratury.
Kamientary