Dziaržaŭnym biełaruskim piśmieńnikam dali hrant ad administracyi Pucina
Dziaržaŭny Sajuz piśmieńnikaŭ Biełarusi atrymaŭ hrant Administracyi prezidenta RF na praviadzieńnie litaraturnaha fiestyvalu «Ruś i Biełaruś adzinaja».
Pra heta paviedamiŭ na pres-kanfierencyi staršynia Minskaha haradskoha adździaleńnia arhanizacyi Michaił Paźniakoŭ, piša «Pozirk».
Fiestyval adkryjecca 5 krasavika ŭ Minsku pry padtrymcy muzieja Vialikaj Ajčynnaj vajny i inšych dziaržstruktur. Častka mierapryjemstvaŭ projdzie ŭ rasijskim Lipiecku, «finansavańnie całkam ažyćciaŭlajecca praź Lipieckuju piśmieńnickuju arhanizacyju», — dadaŭ Paźniakoŭ.
«Śpiecyjalna rychtujem dla hetaha sumiesnaje vydańnie», — skazaŭ jon.
Na pres-kanfierencyi zhadali taksama vypusk knih za košt dziaržavy (na hety raz biełaruskaj, a nie rasijskaj). U 2024-m za biudžetnyja srodki vydali knihu supracoŭnicy redakcyi haziety Administracyi Łukašenki «SB. Biełaruś siehodnia» Iryny Aŭsiepjan, jakaja ŭklučaje materyjały, raniej apublikavanyja tam.
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi5
Kamientary