Svabodny teatr naminavany na najvyšejšuju teatralnuju ŭznaharodu Vialikabrytanii za «Dzikaje palavańnie karala Stacha»
Najvyšejšaja ŭznaharoda ŭ brytanskim teatry, ekvivalentnaja premii BAFTA dla kino i telebačańnia i Brit Awards dla muzyki.
Opiera «Dzikaje palavańnie karala Stacha» pryniesła naminacyju Biełaruskamu Svabodnamu teatru na Olivier Awards 2024 — najvyšejšuju premiju brytanskaha teatra. Teatr za śpiektakl, pastaŭleny Mikałajem Chalezinym i Natallaj Kaladoj pavodle ramana Uładzimira Karatkieviča, vyłučany na prestyžnuju ŭznaharodu ŭ katehoryi Outstanding achievement in opera («Vybitnyja dasiahnieńni ŭ opiernym mastactvie»), piša Reform.by sa spasyłkaj na The Guardian.
Kankurencyju Biełaruskamu Svabodnamu teatru ŭ naminacyi składajuć: Antonija Papana — muzyčny kiraŭnik Royal Opera House dy Maryna Abramovič za jaje kancepcyju śpiektakla «7 śmierciaŭ Maryi Kałas».
Nahadajem, što premjera śpiektakla «Dzikaje palavańnie karala Stacha», jaki ŭjaŭlaje saboj sintez opiery, dramatyčnaha teatra, multymiedyja i žyvoj muzyki, adbyłasia 15 vieraśnia 2023 hoda na scenie łondanskaha «Barbican».
Muzyku da jaho napisała kampazitarka Volha Padhajskaja, libreta stvaryli Mikałaj Chalezin i Andrej Chadanovič. Dyryžor — Vital Aleksiajonak, chareohrafka — Maryja Sazonava.
Hałoŭnyja roli ŭ pastanoŭcy vykonvali biełaruskija artysty Andrej Bandarenka i Tamara Kalinkina.
Teatralny krytyk Time Out Andžej Łukoŭski nazvaŭ partyturu Volhi Padhajskaj «absalutna fienamienalnaj», a vizualny składnik śpiektakla «ŭzrušalnym».
Śpiektakl sabraŭ vialikuju kolkaść recenzij u brytanskaj presie.
Olivier Awards pryznana na mižnarodnym uzroŭni jak najvyšejšaja ŭznaharoda ŭ brytanskim teatry, ekvivalentnaja premii BAFTA dla kino i telebačańnia i BRIT Awards dla muzyki. Štohod jana prysudžajecca asobam, jakija ŭdzielničajuć u pastanoŭkach Viest-Enda i inšych viadučych niekamiercyjnych teatraŭ Łondana ŭ šerahu katehoryj, jakija achoplivajuć «najlešuju novuju pjesu», «najlepšy novy miuzikł», «najlepšy aktor», «najlepšaja aktrysa», «najlepšy režysior», «vybitnyja dasiahnieńni ŭ opiernym mastactvie», «vybitnyja dasiahnieńni ŭ tancy» i inšyja napramki.
Sioleta cyrymonija ŭznaharodžańnia Olivier Awards 2024 projdzie ŭ Karaleŭskim Albiert-Chole 14 krasavika.
«Emocyi zaškalvajuć i ŭciskajuć u fatel». U Łondanie pastavili «Dzikaje palavańnie karala Stacha»
Siarod rekamiendavanych śpiektaklaŭ vosieni ad The Guardian — «Dzikaje palavańnie karala Stacha»
Suzasnavalnica «Svabodnaha teatra» Natalla Kalada atrymała Orden Brytanskaj impieryi
«Dzikaje palavańnie karala Stacha» — pieramožca Nacyjanalnaj teatralnaj premii. Paśla 2020-ha z opiery prybrali repliku «Raman, vychodź!»
Pamiatajecie «paśpiachovuju miljanierku» Zareckuju? Vyhladaje, što jaje kampanija — usio19
Kamientary